УИХ-ын чуулганы нэгдсэн хуралдааны үеэр УИХ-ын дарга Г.Занданшатар гишүүдийг зах худалдааны төвөөр явж үнийн өсөлтийг судалж, Үнийн өсөлтийн хуулийн хэрэгжилтийг хянаж танилцуулах үүрэг өглөө. Тэрбээр "Махны үнэ болон инфляцийн түвшин өндөр байна.

     УИХ дээр ирсэн санал гомдол өргөдлийг харахад үнийн өсөлт иргэдийн гол санаа зовоосон асуудал болоод байна. Энэ талаар Эдийн засгийн байнгын хорооны дарга Ц.Цэрэнпунцагаар ахлуулсан ажлын хэсэг ажиллана. УИХ-ын гишүүн Б.Жаргалмаа, Ж.Бат-Эрдэнэ, Төсвийн байнгын хорооны дарга Г.Тэмүүлэн, УИХ-ын гишүүн Ц.Сандаг-Очир нарын гишүүд захуудаар явж, үнийн өсөлтийг танилцуулна. Төсвийн байнгын хорооны дарга төрийн алба хаагчдын цалин хөлсийг нэмэгдүүлэх төсвийн тодотгол хийх асуудлыг судлана" гэлээ.