УИХ-ын гишүүдийн хуралдаанд оролцсон ирц, хууль эцэслэн батлахад өгсөн саналын мэдээллийг нээлттэй, ил тод болгож, иргэдийн мэдэх эрхийг хангахыг УИХ-ын дарга Г.Занданшатар үүрэг болголоо.

       Тэрбээр "УИХ-ын гишүүд хуралдаанд хэрхэн оролцож байгаа ирц, хууль эцэслэн батлахад гишүүдийн дэмжсэн, дэмжээгүй санал, хуралдаанд оролцсон эсэхийг ирц идэвхийн байдлаар мэдээллэхийг иргэд ирүүлж байна. Үүнийг бид судалж, Нийтийн мэдээллийн ил тод байдлын тухай хуулиар зохицуулж болох юм байна.

       Үндсэн хуульд ч энэ зүйлийг заасан байдаг. Гишүүдийн хууль батлахад өгсөн саналын мэдээлэл нууцад хамаарахгүй. УИХ-ын чуулганы дэгийн тухай хууль, түүнийг дагалдан гарсан журмын тухай хуулийн зарим заалтад хүндрэлтэй асуудал байдаг. Үүнийг УИХ-ын Тамгын газар үүнийг цэглэж, олон нийтэд нээлттэй ил тод болгохыг үүрэг болгож байна" гэлээ.