Засгийн газрын хуралдаанаар гаргасан шийдвэрийг танилцуулах үеэр Сангийн сайд цалин хөлсийг нэмэгдүүлэх талаар мэдээлэл өглөө.

       Тэрбээр "Цалингийн хувьд хоёр зүйл байна. Цар тахлын үетэй холбоотой тэтгэвэр, тэтгэмж, цалин нэмэгдэж чадаагүй. Бид өнгөрсөн жил төсвийн боломжоо харж байгаад тэтгэврийг нэмсэн. Цалин сүүлийн гурван жил нэмэгдээгүй. Бид цалинг хэмжээнээс илүү бодлогын тохиргоо хийх нь зүйтэй гэж үзэж байна. Сүүлийн 10 жилийн хугацаанд салбар тус бүр салбар хуульдаа оруулаад зохицуулалт хийсэн. Төрийн албаны цалингийн бодлого алдагдсан. Цаашид хуулийн зохицуулалт хийж, нэгдсэн байдлаар төрийн алба хаагчдын цалингийн бодлогыг ХНХ-ын яам тогтвортой болгох өөрчлөлт хийх ёстой.Тэгэхээр бид төсвийн орлоготой уялдуулж, тодотгол хийж цалин нэмэгдүүлнэ гэдэг нь эрт байна" гэлээ.