Засгийн газрын хуралдаанаас гарсан зарим шийдвэрийг танилцуулж байна. Энэ үеэр Засгийн газрын Хэрэг эрхлэх газрын дарга Д.Амарбаясгалан мэдээлэл өглөө. Тэрбээр Х.Бадамсүрэнг “Эрдэнэт” уулын баяжуулах үйлдвэрт ажиллаж байхад нь чөлөөлж, “Эрдэнэс монгол”-ын зэс, металлын үйл ажиллагааг албан ёсоор эхлүүлэх үүрэг өгч байсан. Тиймээс зэс, металлын групп албан ёсоор байгуулагдаж, үйл ажиллагаа нь жигдэрсэн учир Х.Бадамсүрэнг үүрэгт ажлаас нь чөлөөлсөн. Мөн Гаалийн байгууллагын 150-160 ажилтанг үүрэгт ажлаас нь чөлөөлөхөөр ярьж байгаа. Тухайлбал, төрийн албаны шалтгалтаа өгөөгүй 60 хүн, Засгийн газраас батлагдсан бүтэц, орон тоог хэтрүүлэн томилогдсон хүмүүс, авлига, албан тушаалын гэмт хэрэгт холбогдсон хүмүүс дахин албан тушаалд томилогдсон байх, тэтгэвэрт гарах нь болчихсон хүмүүс ажиллаж байсан гэх мэт шалтгаантай ажилтанг ажлаас нь чөлөөлнө. Энэ нь хууль бус томилгоог цэгцэлж байгаа эхний алхам болж байна. Ажлаас чөлөөлөгдөх хүмүүсийн албан ёсны тоог ирэх долоо хоногт дахин мэдээлэх болно" гэлээ.