Төрийн өмчит бодлогын газрын дарга Б.Цэнгэл “Цемент шохой” ТӨХК болон “Эрдэнэт” үйлдвэрийн асуудлаар мэдээлэл өглөө. Тэрбээр “Дарханы төмөрлөгийн үйлдвэрийн 30-иад ажилтан Төрийн өмчит бодлого зохицуулалтын газарт ирж манай албаны хүмүүстэй уулзсан. Тус уулзалтаар “Цемент шохой” ТӨХК-ийн үйлдвэрийн төлөөлөн удирдах зөвлөлийг хуралдуулах, үр дүнд өртөг суурилсан урамшууллын системийг нэвтрүүлнэ хэмээн Л.Наранбаатар захирал амлаж байсан. Түүнийг мөрдүүлэх саналыг хэлэлцсэн. Мөн Үндэсний аудитын газрын “Цемент шохой” ТӨХК-ийн үйлдвэрт шалгалт хийж, сөрөг дүгнэлт гарсан эсэхийг тогтоохоор ажлын хэсэг гаргасан.  Л.Наранбаатар ажлаа хийж чадахгүйгээс болж үйлдвэрийн хэвийн ажиллагаа алдагдаж байгаа. “Цемент шохой” ТӨХК-ийн үйлдвэрийг хэвийн ажиллуулахад сайн менежер хэрэгтэй байна. Үйлдвэрчний эвлэлийн төлөөлөл үйлдвэр дээр ажиллаж буй цехийн ажилчид 2-3 албан бичиг өгснийг би хүлээн авсан. Мөн Төлөөлөн удирдах зөвлөлийг хуралдуулах удирдамж хүргүүлсэн. Л.Наранбаатар захирал сошиалд ажлаа хийдэг. Түүний олон нийтэд өгсөн мэдээлэл ажилчдынх нь мэдээлэлтэй зөрж байгаа” гэв.