ХНХ-ын сайд Х.Булгантуяа цаг үеийн асуудлаар мэдээлэл хийлээ. Тэрбээр "Гурван сарын хугацаанд Боомтын сайдаар ажиллаа. Энэ хугацаанд БНХАУ-тай хиллэдэг байсан бүх боомт хаалттай байж байгаад саяхнаас нээлээ. Дөрөвдүгээр сарын 1-нээс зарим боомт дээр барилга угсралтын ажлыг эхлүүлсэн. Барилга угсралтыг эхлүүллээ гээд хилийн боомтыг үйл ажиллагааг тасалдуулахгүй явуулах ёстой. Манай хилийн боомтын захиргаа бүтэц шинээр үйл ажиллагаагаа эхлүүлсэн учраас байгууллагын хэвийн үйл ажиллагааг явуулах нь чухал байсан. 

      Харин сайдын суудалд сэлгэн томилон асуудал нь Ерөнхий сайдын бүрэн эрхийн хүрээнд шийдвэрлэдэг асуудал. Тэр асуудлыг Ерөнхий сайдаас асуусан зүйтэй. ХНХ-ын салбарт маш олон ажлууд байна. Нэгдүгээрт, Нийгмийн даатгалын багц хуулийг  өргөн барьсан байна. Үүнийг шийдэх ёстой. Хүүхдийн мөнгийг нэмэгдүүлнэ гэвэл төсвийн тодотгол хийнэ. Улс төрийн том амлалт өгөөд хүүхдийн мөнгйг тараана гээд байж болно. Гэхдээ цаана нь төсвийн  орлого, нийгмийн даатгал төлөгчдийн мөнгө яригддаг. Тиймээс тооцоо судалгаатай ярьдаг асуудалд Сангийн яаманд ажиллаж байсан туршлагатай хүнийг томилох хэрэгтэй гэдгээ Ерөнхий сайд онцолсон" гэлээ.