МАН-ын бүлгийн хуралдаанаар хэлэлцсэн асуудлаар мэдээлэл хийлээ. Эдийн засгийн хөгжлийн сайд Ч.Хүрэлбаатар "2022 онд Монгол Улсын эдийн засаг 4.2 хувиар өслөө. Цар тахлын үед өсөж, буурсан. Эдийн засгийн өсөлтийг эрчимжүүлэхэд гурван жилийн жилийн бодлогыг төлөвлөх шаардлага байна. ОУВС-аас дэлхийн эдийн засгийн өсөлт болон бусад орны харьцуулалтыг гаргалаа. Манай эдийн засгийн гол түнш болох БНХАУ-ын эдийн засгийг багадаа таван хувиар өснө гэдэг прогноз гаргасан байна.

   Тиймээс манай эдийн засаг дор хаяж зургаан хувиар өснө гэж тооцоолсон байна. Тэгэхээр бид энэ боломжийг хамгийн сайн ашиглах шаардлагатай байна. Тиймээс Хөрөнгө оруулалтын тухай хууль болон Ашигт малтмалын тухай ерөнхий хуулийг ойрын хугацаанд оруулж ирэх шаардлагатай гэдэг саналаа гишүүд хэллээ. Хөрөнгө оруулалтын тухай хуульд энэ долоо хоногоос иргэдийн саналыг авна. Мөн төсвийн үндсэн тэнцэл гэж бий. Энэ тэнцлээс зээлийн үндсэн хүү төлөгддөг бөгөөд үлдэж байгаа нь эерэг байх үзүүлэлт макро эдийн засгийг тогтворжуулахад гол үүрэг гүйцэтгэдэг. Тэгэхээр цаашид бодлогын хүүг бууруулах хүрээнд шат дараатай үйл ажиллагаануудыг хийгээд явна. Хоёрдугаарт, уул уурхайн бүтээгдэхүүнийг биржээр зарах ажлыг нэмэгдүүлнэ.

     Нүүрс, зэс, төмрийн хүдэр, цайр зэргийг биржээр зарна. Ингэж чадвал Монголд орж ирэх орлого нэмэгдэж, ил тод байх боломж бүрдэх юм. Гуравдугаарт, төсвийн тодотголтой холбоотой асуудлыг олон гишүүн хөндөсөн. Өнөөгийн хууль, эрхзүйн орчинд төсвийн орлого нэмэгдэхэд өснө гэсэн зүйл байхгүй. Зөвхөн орлого буурах үед зарлагыг танах зорилгоор төсвийн тодотгол хийх зохицуулалт үйчлээд явж байгаа. Ерөнхийдөө эдийн засгийг тогтворжуулах суурь нь эхний хагас жилийн үзүүлэлтүүд харуулна. Тиймээс эдийн засгийн төлөв байдлаа сайн тооцоолох хэрэгтэй байна" гэлээ.