Ерөнхий сайд Л.Оюун-Эрдэнэ мэдээлэл өглөө. Тэрбээр “Е Mongolian платформ 1.5 орчим сая хэрэглэгчтэй болсон байна . Өнөөдөр энэхүү цэсэн дотор Е business платформ нээгдэж байна. Ингэснээр тусгай зөвшөөрөл, магадгүй гаднаас Монголын бизнес, эдийн засагт оролцох боломж бүрдэж байгаа гэж ойлгож болно. Урьд нь компани байгуулах гээд татвар, Улсын бүртгэлийн газар очдог байсан бол одоо тухайн иргэн гар утас руугаа ороход асуудлаа шийднэ. Засгийн газрын гол байр суурь бол хүнтэй нүүр тулахгүйгээр технологийн дэвшил дээр тулгуурлан хүнд суртлыг багасгах зорилтыг тавьж байгаа. Энэ нь өөрөө хөрөнгө оруулалт, эдийн засгийн орчинд чухал нөлөөтэй. Е business цэсийн хувьд энэ бол дөнгөж эхлэл. Цаашдаа хөгжүүлэлт хийгээд явна. Шилэн ажиллагааны гол зорилго бол бүх зүйл ил болно гэсэн үг” гэв.