Засгийн газрын хуралдаанаас гаргасан шийдвэрийн талаар танилцууллаа. Хурлын эхэнд  Цахим хөгжил, харилцаа холбооны сайд Н.Учрал “Засгийн газрын таван Ш ажиллагааны хүрээнд шилэн ажиллагааг эрчимжүүлэх чиглэлд Ерөнхий сайд дараах албан даалгаврыг гаргасан. Нийтийн мэдээллийн хуулинд заасан 68 төрлийн мэдээллийг нэгтгэж машин унших порматаа бэлтгэн, 2023 оны зургадугаар сарын 1-ний дотор хүргүүлэхийг дараах албан тушаалтнуудад даалгасан.

• Тусгай хамгаалалттай газар, нутаг дэвсгэрт олгосон газар ашиглах гэрчилгээ, байгуулсан гэрээ, төлбөр төлөлтийн байдал, үйлдвэр үйлчилгээний явцад байгаль орчинд учруулж болзошгүй сөрөг нөлөө үр дагаврыг арилгах арга хэмжээг тогтоосон.
• Байгаль орчны нөлөөллийн мэдээллийг мөн хүргүүлэх ажлыг БОАЖ-ын сайд Б.Бат-Эрдэнэд даалгасан.

• Барилга байгууламжийг ашиглалтад оруулахыг зөвшөөрсөн улсын комиссын дүгнэлтийг хүргүүлэх ажлыг Барилга хот, байгуулалтын сайд Ц.Даваасүрэн,
• Төрийн болон орон нутгийн өмчийн оролцоотой эрх зүйн хуулийн этгээдийн удирдах зөвлөл, хяналтын зөвлөлийн бүтэц бүрэлдэхүүн, тэдгээрийн гишүүн болон гүйцэтгэх удирдлагын  эцэг, эхийн нэр, өөрийн авч байгаа урамшуулал, тухайн хаяг, тухайн хуулийн этгээдийн удирдлагад тавигдах шаардлага, удирдлагыг сонгон шалгаруулах ажиллагааны тов зэрэг мэдээллийг хүргүүлэхийг Төрийн өмчийн бодлого зохицуулалтын газрын даргад даалгасан.
• Мөн ЗГХЭГ-ийн дарга Д.Амарбаясгалан болон зарим агентлагийн дарга, аймгийн удирдлагуудад албан даалгавар өгсөн.