“Эрдэнэс Тавантолгой” ХК-ийн бүрэн эрхэт төлөөлөгч Ж.Ганбат мэдээлэл хийлээ.

       Тэрбээр “Эрдэнэс Тавантолгой” ХК-нд Засгийн газраас өнгөрсөн оны аравдугаар сарын 26-наас онцгой дэглэм тогтоож, бүрэн эрхэт төлөөлөгчөөр миний бие томилогдон ажилласан байгаа. Таван сарын хугацаанд бид 1.3 тэрбум ам.долларын үнэтэй 13 сая тонн нүүрсийг бид борлуулж чадлаа. Ингэхдээ бид борлуулалтыг 4.1, тээврийг 3.9, экспортыг хоёр дахин нэмэгдүүллээ. Мөн нийт орлогыг 3.9, олборлолтыг 2.7 дахин нэмэгдүүлсэн. 2023 нэгдүгээр сарын 1-нээс өнөөдрийг хүртэлх хугацаанд бид 765.2 сая ам.долларын үнэлгээтэй 7.5 сая тонн нүүрс борлууллаа. Үүнээс бид 416 мянган тонн нүүсийг долоон удаагийн арилжаагаар арилжлаа. Ингэхдээ анх удаагаа 200 мянган тонн эрчим хүчний нүүрс арилжсан. Өмнө нь бол 9-10 ам.доллар арилждаг байсан эрчим хүчний нүүрсийг бид 70 гаруй ам.доллараар арилжсан нь маш амжилттай болсон. Бид цаашид үүнийг нэмээд явн. Мөн сайн чанарын косжсон нүүрсийг бид урьд нь 100-115 доллараар зарагддаг байсан бол 180 гаруй ам.доллараар зарж байна гэсэн. Нийт 416 мянган тонн нүүрсийг арилжаалснаас Монгол Улсад 20.9 сая ам.долларыг бид нэмж олсон байгаа” гэв.