Т.Бадамжунайг Филиппин Улсын Сэбу хотоос шувуу ажиллагааны хүрээнд баривчилж авчирлаа. Энэ үеэр ХЗДХ-ийн сайд Х.Нямбаатар “Манай улс БНСУ-д Энэтхэг, Номхон далайн бүсийн уулзалтад оролцсон. Иргэн Т.Бадамжунайгийн гадаад паспорт, дансыг нь хаах шийдвэр гарсан. Түүнийг Монгол Улсад шилжүүлэх албан бичиг гардуулсан. Ингэснээр Филлиппин Улсын хуулийн байгууллагынхан 10 гаруй цаг албадан саатуулсан. Энэ үеэр Т.Бадамжунай албадан гаргахад татгалзах зүйлгүй гэдгээ мэдэгдсэн. Түүнийг шөнийн 01:00 цагийн онгоцоор Монголд авчирсан. Одоо шүүхийн тогтоолыг танилцуулж, цагдан хорих таслан сэргийлэх арга хэмжээг хуулийн байгууллагынхан шалгалтын үеэр шийднэ. Нэр бүхий хүмүүсийн гадаад паспортыг хүчингүй болгож, дансыг нь царцаах ажил үргэлжилж байгаа. Нэр нь зарлагдсан хүмүүсээс өөрсдийнхөө саналаар Монголд ирж байгаа хүн байхгүй.  Тиймээс үлдсэн хүмүүсийг Т.Бадамжунай шиг албадан авчирна” гэлээ.

    Мөн АТГ-ын дарга З.Дашдаваа "Т.Бадамжунай хуулийн байгааллага шалгахаас өмнө гадаад руу явчихсан. Одоо хэрэг бүртгэл нээж шалгалтын ажиллагааг үргэлжлүүлнэ. Хуулийн байгууллагын хэмжээнд гадаад руу оргосон иргэдийг хууль сахиулах байгууллагын хамтын ажиллагаагаар авчирна. Энэ жил тодорхой хэргүүдийг шүүхээр шийдүүлэх зорилттой ажиллаж байгаа. Хэрэгт холбогдуулан иргэдийг шалгаж, шүүхийн шийдвэр гаргаж, эрэн сурвалжлах ажиллагааг үргэлжлүүлдэг.  Н.Удаанжаргалыг авчирахаар хөөцөлдөж байгаа" гэлээ.