Засгийн газраас зарласан Таван Ш ажиллагааны хүрээнд Шилэн ажлыг ЦХХЯ-наас ил болгож буйгаа мэдэгдлээ. Улмаар тус яамнаас улсын хэмжээнд байдаг нийт 23 тусгай сан байдгаас 12 тусгай сангийн мэдээллийг ил тод,  нээлттэй болгохыг есөн сайдад албан бичгээр хүргүүлсэн байна. Мөн shilen.gov.mn вэб сайтад Тусгай хамгаалалттай газар нутагт олгосон газрын мэдээллийг ил болгоод байна.

Уг мэдээллээс харахад  2020 онд хамгийн өндөр буюу 756.8 га тусгай хамгаалалттай газарт зөвшөөрөл олгожээ. Тухайн үед БОАЖ-ын сайдаар УИХ-ын гишүүн Д.Сарангэрэл ажиллаж байсан. Тодруулбал, түүний хувьд 2020 оны долдугаар сараас 2021 оны хоёрдугаар сар хүртэл БОАЖ-ийн сайдаар ажилласан юм.