Нүүрсний хулгайн хэрэгт холбогдсон нэр бүхий гурван гишүүний бүрэн эрхийг түдгэлзүүлэх асуудлыг УИХ-ын чуулганы хаалттай хуралдаанаар хэлэлцлээ. Энэ талаар Монгол ардын намын бүлгийн дарга Д.Тогтохсүрэн “Төрийн байгуулалтын Байнгын хорооны саналаар санал хураалт цаасаар явагдсан. Санал хураалтад оролцсон гишүүдийн олонхи нь Аюурсайхан, Бат-Эрдэнэ гишүүдийн хувьд бүрэн эрхийг нь түдгэлзүүлнэ гэж үзсэн. Наранбаатар гишүүнийг бүрэн эрхийг нь түдгэлзүүлэх шаардлагагүй гэж үзжээ. Нийт 66 гишүүн санал хураалтад оролцсон байна. УИХ-ын гишүүд өөрсдийнхөө итгэл үнэмшлээр л санал өгдөг. Манай бүлэг шийдвэрээ гаргасан байсан. Энэ шийдвэр дээрээ л хатуу байгаа" гэв.