УИХ-ын гишүүн Б.Баттөмөр цаг үеийн асуудлаар мэдээлэл хийлээ. Тэрбээр "Ч.Ундрам гишүүнтэй холбоотой асуудлаар Ёс зүйн байнгын хороонд гомдол ирж, эгүүлэн татах талаар өргөдөл ирсэн. Манай Байнгын хороонд УИХ-ын гишүүнээс эгүүлэн татах хууль, эрх зүйн орчин байхгүй. Гишүүний гэр бүлийн асуудалтай холбоотой асуудлууд нь хууль, хяналтын байгууллага дээр явж байгаа юм билээ. Үүний дараа бид шаардлагатай бол асуудлыг хэлэлцэнэ. Бидэнд сануулах, уйлалт гуйхыг шаардах, цалингийн суутгах л арга хэмжээ авах боломжтой. Гэхдээ хуулийн байгууллага шалгаж дуусаагүй учраас ээн асуудлыг хэлэлцээгүй байна" гэлээ.

Мөн тэрбээр нүүрсний хулгайн хэрэгт холбоотой гишүүдийн нэгээр АТГ-аас нэрлэж байсан. Харин яллагдагчаар татан шалгасан гишүүдийн дунд түүний нэр байхгүй байгаа талаар тайлбар өгсөн юм. Тэрбээр "Намайг нүүрсний хулгайн хэрэгтээ холбоотой асуудлаар нэг удаа дуудаж мэдүүлэг авсан. Би нүүрсний хулгайн хэрэгт холбогдолгүй болох нь тогтоогдсон. Бусад гишүүний асуудлыг мэдэхгүй байна" гэсэн юм.