УИХ-ын чуулганы нэгдсэн хуралдаанаар Ж.Мөнхбат гишүүнийг бүрэн эрхээс нь чөлөөлөх эсэх асуудлыг хэлэлцлээ. УИХ-ын гишүүн Ж.Мөнхбатыг гишүүнээс нь чөлөөлөхийг дэмжинэ гэсэн саналын томъёоллоор санал хураалт явуулахад хуралдаанд оролцсон гишүүдийн 59.9 хувь нь дэмжсэн. Улмаар УИХ-ын гишүүн Ж.Мөнхбатыг гишүүний бүрэн эрхээс нь  чөлөөллөө.

Тэрбээр хоёрдугаар сарын 08-нд УИХ-ын гишүүний бүрэн эрхээсээ өөрийн хүсэлтээр чөлөөлөгдөх хүсэлтээ УИХ-ын даргад хүргүүлсэн байдаг. Тэрбээр хүсэлтдээ "Ээжийгээ БНСУ-д эмчлүүлэх хүсэлтээ байгаа тул чөлөөлж өгнө үү" гэсэн юм. Ж.Мөнхбат нь УИХ-ын сонгуульд Архангай аймгаас нэр дэвшиж хоёр удаагийн сонгуульд ялалт байгуулсан билээ.