Засгийн газрын хуралдаанаас гарсан мэдээллийг танилцуулах үеэр ЗГХЭГ-ын дарга Д.Амарбаясгалан сэтгүүлчдийн асуултад хариуллаа. Нүүрсний хулгайн хэрэгт Засгийн газрын сайд холбогдсон талаар тэрбээр "Засгийн газрын хэд хэдэн сайд нүүрсний хулгайн хэрэгт холбогдсон асуудал байхгүй.

      Нэг сайд яллагдагчаар татагдсан байгаа. Тэр даруйдаа өөрөө сайдын болон гишүүний бүрэн эрхээсээ татгалзах хүсэлтээ өгсөн. Гуравдугаар сарын 15-нд УИХ-ын чуулган хуралдана. Тэгэхээр гишүүний болон сайдын суудлаас чөлөөлөх асуудлыг хөндөнө. Өргөдлөө өгсөн сайд УИХ-д танилцуулга хийгдэж, дараагийн сайдын асуудал хөндөгдөнө. Намын тухайд нэг сарын дотор гишүүн хүсэлтээ өгнө. Хүсэлтэй өгөөгүй бол намын Хяналтын хороо хэлэлцэнэ. Энэ дүрмээр явна" гэлээ.