УИХ-ын гишүүн Т.Доржханд Хөгжлийн банкны асуудлаар мэдээлэл хийлээ.

   Тэрбээр ”Маргааш Хөгжлийн банкны нийт 80 яллагдагчийн асуудлыг хаалттайгаар шийдвэрлэнэ гэх мэдээлэл бий. Монголчууд золголтоо сайхан хийж дууссан байх. Гэхдээ бид одоо энэ хаалттай хуралдааныг хүлээн зөвшөөрч болохгүй. Хуулиндаа хаалттай хуралдаж болно гэж заасан. Үнэхээр эмзэг мэдээлэл байгаа бол түүнийг хаалттай бөгөөд нээлттэй  байдлаар хэсэгчилсэн байдлаар ч зохион байгуулах боломжтой. Улс төрийн нөлөө бүхий этгээдүүд холбогдсон энэ гэмт хэрэг хаалттай хуралдсан тохиолдолд ял завших боломж өгөх байх гэсэн хардлага байна. Өмнө нь зурагт, хэвлэл мэдээллээр дамжуулан хоёр удаа арван хоног нийт гурван сая гүйлгээнд үндэслэгдсэн, эрх бүхий байгууллага, зээл авсан компани түүний холбогдогч нар,  улс төрийн нөлөө бүхий этгээдүүдийн холбоог нийтэд ил болгосон. Эдгээр мэдээллийн 90 хувь нь шинэ мэдээлэл байсан.  Мэдээллээ нээлттэй зарлаад, хурлаа хаалттай хийж болохгүй” гэлээ.