• Өнөөдөр 2026-09-07

М.АЛТАНБАГАНА: Хөдөө орон нутагт төвлөрлийг бий болоход эрх зүйн хүрээнд бүсчилсэн зохицуулалтыг хийх шаардлагатай байна

2023-02-16,   635

       Улс орны нийгэм, эдийн засгийн тулгамдсан асуудлыг иргэдийн туслалцаатайгаар тодорхойлох, асуудлын эрэмбэ, шийдвэрлэх арга зам, гаргах шийдвэрийн талаар иргэдтэй зөвлөлдөх, үндэсний зөвшилцлийг хангах "Зөвлөлдөж шийдье" улсын хэмжээний зөвлөлдөх санал асуулгын Төрийн ордонд зохион байгуулсан. Уг санал асуулгын үеэр гарсан иргэдийн асуулт, хариултаас хүргэж байна. 

ЭДИЙН ЗАСАГ, БАЯЛГИЙН САН, ТӨВЛӨРЛИЙГ СААРУУЛАХ НЭГДСЭН ХЭЛЭЛЦҮҮЛГЭЭС 

  Ц.Шугарсүрэн Орхон аймгийн иргэн, 25 дугаар  хэсгийн оролцогч: Мал аж ахуйн түүхий эд боловсруулах үйлдвэр яасан бэ? Их, дээд сургуулиудыг хөдөө, орон нутагт шилжүүлснээр Улаанбаатарын төвлөрөл саарах уу? 
 
 М.Алтанбагана Шинжлэх ухааны академийн Газарзүй, геоэкологийн хүрээлэнгийн салбарын эрхлэгч, доктор, дэд профессор: ”Мал аж ахуйн салбарыг боловсруулах үйлдвэр Дарханд Засгийн газрын тогтоолоор  хийгдэж байна. Их, дээд сургуулиудыг Засгийн газрын тогтоолоор Дархан, Орхон, Өмнөговь аймгуудад шилжүүлнэ. 
 
  Б.Лхагвасүрэн Хан-Уул дүүргийн 17 хорооны иргэн, 18-р хэсгийн оролцогч: Залуус гадагшаа гарч ажиллаж байна. Орон нутагт ажиллах боломж байна уу? 
 
 М.Алтанбагана Шинжлэх ухааны академийн Газарзүй, геоэкологийн хүрээлэнгийн салбарын эрхлэгч, доктор, дэд профессор:  Төвлөрлийг сааруулахын тулд орон нутагт эдийн засаг, боловсрол, эрүүл мэнд гол татах хүч болно. Үүн дээр ипотекийн зээл, цалингийн зээл нэмэгдэнэ. Орон нутагт Улаанбаатар хоттой өрсөлдөхүйц эдийн засгийг босгох хэрэгтэй.
 
    Б.Алтанцэцэг БГД-ийн 24-р хорооны иргэн, 24-р хэсгийн оролцогч:  Баялгийн сангийн удирдлагын багт олон нийтийн хяналтыг оруулж, улс төрийн оролцоог багасгах боломж бий юу?
 
    М.Түвшинжаргал СЭЗИС-ийн Эрх зүйн тэнхимийн ахлах багш, Хууль зүйн ухааны доктор (Ph.D): Баялгийн санд олон нийтийн төлөөлөл оролцох боломж муу харин олон нийтийн хяналтыг ил тод байлгах боломжтой.
 
    Ш.Чимгээ Баянхонгор аймгийн иргэн, 14-р хэсгийн оролцогч:  Мянгаас доош хүн амтай 19 сум байдаг байна. Төвлөрлийг сааруулах хүрээнд энэ 19 сумын асуудлыг хэрхэн шийдэх вэ?
 
     Д.Сүнжид Хүний эрхийн Үндэсний Комиссын гишүүн, Хууль зүйн ухааны доктор (Ph.D), дэд профессор: “Үндсэн хуулийн 57.3-т “Аймаг, нийслэл, сум, дүүргийг нэгтгэх бол иргэдийн санал авна” гэж заасан байдаг. Бүсчилсэн хөгжлийн хүрээнд иргэдийн саналыг авч энэ асуудлыг шийдэх ёстой. Засаг захиргаа, нутаг дэвсгэр, түүний удирдлагын хуулиар  УИХ-аас журам гаргахаар заасан байдаг.
 
     Ц.Рэнцэндорж Өвөрхангай аймгийн иргэн, 16-р хэсгийн оролцогч: Хөдөө орон нутгаар үйлдвэр барих боломж бий юу? 
   
      М.Алтанбагана Шинжлэх ухааны академийн Газарзүй, геоэкологийн хүрээлэнгийн салбарын эрхлэгч, доктор, дэд профессор: Хөдөө орон нутагт төвлөрлийг бий болоход эрх зүйн хүрээнд  бүсчилсэн зохицуулалтыг хийх шаардлагатай байна.
 
       Ц.Барсбүрэн Ховд аймгийн иргэн, 29-р хэсгийн оролцогч:  Хөдөө орон нутагт залуучууд амьдрах хүсэлгүй байна. Төвлөрлийг сааруулахад төлөвлөгөөнд энэ асуудлыг хэрхэн тусгаж байна вэ?
 
       М.Алтанбагана Шинжлэх ухааны академийн Газарзүй, геоэкологийн хүрээлэнгийн салбарын эрхлэгч, доктор, дэд профессор: Өнөөдрийн байдлаар хоттой өрсөлдөхүйц дагавар хот байхгүй байна. Бид орон нутагт Улаанбаатар хоттой өрсөлдөхүйц томоохон хотыг бий болгох нь чухал.
 
 

М.АЛТАНБАГАНА: Хөдөө орон нутагт төвлөрлийг бий болоход эрх зүйн хүрээнд бүсчилсэн зохицуулалтыг хийх шаардлагатай байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.