Зөвлөлдөх уулзалт "Эдийн засаг, баялгийн сан, төвлөрлийг сааруулах" сэдвийн хүрээнд зохион байгуулагдаж байна. Энэ үеэр ШУА-ын Нийгэм эдийн засгийн газарзүйн салбарын дарга доктор, профессор М.Алтанбагана иргэдийн асуултад хариуллаа.

     Тэрбээр “Мал аж ахуйн салбарын түүхийн эдийг дахин боловсруулах үйлдвэр Дарханд Засгийн газрын тогтоолоор хийгдэж байна. Мөн Дархан, Эрдэнэт, Даланзадгад хотод их дээд сургуулиудын хөдөө аж ахуй, шинжлэх ухаантай холбоотой салбаруудыг шилжүүлэх шийдвэр гарсан. Улаанбаатар хотын түгжрэлийг нэмэгдүүлж байгаа зүйл бол их дээд сургууль, арван хүн тутмын нэг нь оюутан байна.  Их дээд сургуулийг орон нутаг руу шилжүүлэх нь зөв. Гэхдээ үүнийг орон нутгийн хөгжлийн төлөвлөлт, бүсчилсэн хөгжлийн бодлоготой уялдуулж шилжүүлэх асуудлыг хийх ёстой” гэлээ.