АТГ, ЦЕГ хамтран Богдхан ууланд газар эзэмшигчдийг шалгаж эхэлжээ. Энэ шалгалтаар хэдий нь баригдаж дууссан, хүн амьдардаг ч эзэмшигч нь тодорхойгүй хэд хэдэн хотхон олдсон гэх мэдээллийг албаныхан өглөө. Богдхан уул нь тусгай хамгаалалттай газар нутагт багтдаг ч өдгөө тэр орчмын газар барилга, байгууламжаар дүүрсэн гэхэд болно. Тиймээс үүнд хяналт тавих, эзэн холбогдогчийг тогтоох, авсан газраа зориулалтын дагуу ашиглаж байгаа эсэхийг хянах зорилгоор дээрх шалгалтыг хийж байгаа аж.

Богдхан уулын тусгай хамгаалалтын газар, Туул голын ай сав дагуу Газрын тухай хуулийг зөрчин газар эзэмших, ашиглах эрх олгосон 1726 аж ахуйн нэгжийн газар эзэмших эрх хүчинтэй хэвээр, мөн 29 өрх айл газар эзэмших зөвшөөрөлгүй суурьшин байгаа талаарх өнгөрсөн оны  тоон мэдээлэл бий. Энэ тоо нэмэгдсэн үү гэхээс буураагүй гэдгийг албаныхан онцолж байна.