Шударга өрсөлдөөн хэрэглэгчийн төлөө газар /ШӨХТГ/-аас шатахуун түгээх станцуудад хийсэн шалгалтынхаа талаар мэдээлэв. Шалгалтаар “Тэс петролиум”, “Шунхлай”, “Синчи ойл”, “Петрожамп” зэрэг шатахуун түгээх станцын дизель болон А92, А95 бензинээс ус, лаг илэрсэн байна. Уг шалгалтыг өнгөрсөн дөрөвдүгээр сард хийсэн бөгөөд ШӨХТГ-аас эдгээр компанид торгуулийн шийтгэл ногдуулаагүй байна. ШӨХТГ-ын дарга Б.Бат-Эрдэнэ “Шатахуун түгээх станцын нэр дурдсан компаниудад сануулга өгсөн. Удахгүй дахин шалгалт явуулна. Тэр үед сануулга өгөхгүйгээр, торгуулийн арга хэмжээ авна. Мөн гурван тоннын даацтай, тээвэрлэх зөвшөөрөлгүй авто машинаар нийслэл рүү шатахуун зөөж,нэвтрэх товчоодод нийлүүлсэн зөрчил илэрсэн.

Түүнчлэн дизель түлшийг 1500 төгрөгөөр худалдаалж буй явдал гарсан нь юм хольж, дамлан зарж байна гэх хардлага төрүүлж байгаа” гэв. Түүнчлэн хууль бусаар шатахууны жижиглэнгийн худалдаа эрхэлж байсан гурван этгээдийг илрүүлсэн бөгөөдшатахуунаа “Петровис” компаниас авдаг байсан талаархэлэв. Харин Мэргэжлийн хяналтын ерөнхий газраас шатахуун түгээх станцууд шатахууны саванд цэвэрлэгээ хийгээгүйн улмаас конденсацаар ус үүсгэж байгааг хэлж, савны цэвэрлэгээг сайтар хийж, хэрэглэгчдэд цэвэр шатахуунаар үйлчлэх үүрэгтэйг анхааруулав. Мөн сүүлийн хоёр жилд керосин тэргүүтэй завсрын бүтээгдэхүүнийг их хэмжээгээр импортлох болсон ба тэдгээр бодисыг шууд хэрэглэх, худалдаалах зах зээл Монголд байхгүй. Тэгэхээр шатахуунтай хольж байж болзошгүй гэсэн хардлага байгаа талаар МХЕГ-аас хэлсэн юм.