Зохиолчийн бичсэн үгс зарим тохиолдолд ердөө л цаас болон үлдэхэд заримынх нь олон саяар үнэлэгдэх нь бий. Сүүлийн 31 жилийн хугацаанд засгийн газар, тэрбумтнууд, цуглуулагчид номонд их хэмжээгээр хөрөнгө зарцуулах болсон аж. Тэдэн дундаа хамгийн их үнэд хүрэхүйц 10 номыг “Форбс” сэтгүүл жагсаасныг уншигч та бүхэнд хөрвүүлэн хүргэж байна.

10.Уильям Шексфир - Хошин шогууд, түүхүүд болон эмгэнэлт явдлууд(1623)

Английн уран зохиолын хамгийн сайн нь хэмээгддэг Шексфирын түүвэр зохиолуудын уг ном анх хэвлэсэн эхээрээ 8.2 сая ам.долларын үнэтэй аж.

9.Жорж Вашингтон - 1789 оны анхдугаар их хурлын үндсэн хууль, эрхийн тухай хууль болон бусад гол актуудын хуулбар

АНУ-ын анхны Ерөнхийлөгч Жорж Вашингтоны бүтээсэн уг хуулийн номыг найман жилийн өмнө Маунт Мернон хэмээх холбоонд 10.2 сая ам.долларын үнээр худалдаалагджээ.

8.Жеффри Чосер - Кентерберийн үлгэрүүд

11.1 сая ам.долларын үнэтэй Английн зохиолч, яруу найрагч Жеффри Чосерын уг ном Английн анхны принтер хэмээн алдаршсан Уильям Кэкстоны үйлдвэрт үйлдвэрлэсэн гэдгээрээ онцлогтой гэнэ.

7.Жон Жеймс Аудубон - Америкийн шувууд

Уг ном нь 1820 онд цөөхөн хувь хэвлэгдсэн байдаг бөгөөд 2010 онд Лондонгийн нэгэн цуглуулагч 12.6 сая ам.доллараар худалдаж авсан байна.

6.Ротшильдийн залбирал

Дундад зууны үед хэвлэгдсэн уг ном нацистуудад хураагдаж үлдсэн цөөн ширхэгийнх нь нэг бөгөөд 13.9 сая ам.долларын үнэтэй гэнэ.

5.Бэйгийн дууллын ном

Тэртээ 1640 онд хэвлэгдсэн уг номоос ердөө 11 ширхэг өнөөг хүртэл хадгалагдан үлджээ. Харин тэдний нэгийг нь Америкийн бизнесмен Рубенштейн 14.5 сая ам.доллараар худалдан авсан юм.

4.Гэгээн Катберт сургаалиуд

VII зууны үеийн католик шашны сүм хийдүүдийн нэгдэл буюу Иезуитчууд уг номыг 698 онд бүтээсэн гэдэг. Тус ном нь 2011 онд Их Британийн төв номын санд 15.1 сая ам.доллараар зарагджээ.

3.Магна Карта

XII зуунд үйлдвэрлэгдсэн уг номоос өдгөө 17 хувилбар нь бий. Тэдний нэгийг нь тэрбумтан Росс Перот эзэмшиж байсан ч, дээр дурдсан номын хорхойтон, Карлайл группийн үүсгэн байгуулагч Дэвид Рубенштейнд 24.5 сая ам.долларын үнээр зарсан ажээ.

2.Гэгээн Бенедикт “Арслан” Хенригийн сургаалиуд

XII зууны үед Саксонийн гүнгийн захиалгаар хэвлэсэн хэмээгддэг энэхүү бүтээлийг Германы Засгийн газар эзэмшдэг аж. Судлаачдын үзэж буйгаар 28 сая.долларын үнэтэй байх гэнэ.

1.Леонардо да Винчи - Кодекс Лестер

Уг ном нь алдарт Леонарда да Винчигийн сарны туяа, усны шилжилт хөдөлгөөн, эртний юмсын тухай гэх мэтчилэн шинжлэх ухааны бүтээлч, онол, бодролын  гар бичмэлийн хураангуй юм. Дэлхийн хамгийн баян нэгэн гэгддэг байсан Билл Гейтс “Кодекс Лестер” номыг 1994 онд 49.4 сая ам.доллараар худалдан авсан байна.