Дэлхийн тэргүүн баян, “Space X”, “Tesla” компанийн үүсгэн байгуулагч Элон Маск хүн дүрст робот үйлдвэрлэж, ашиглаж эхлэх тухайгаа албан ёсны цахим хуудсаараа дамжуулан мэдэгджээ. Тодруулбал, Элон Маскын тэргүүлдэг цахилгаан автомашины “Tesla” компани 2025 оноос хүн дүрст робот үйлдвэрлэж эхлэх гэнэ. “Оптимус” гэж нэрлэгдээд буй уг роботууд 2026 онд худалдаанд гарах төлөвтэй байгаа бөгөөд үнэ ханшийн хувьд Элон Маскын нэгэн ярилцлагадаа дурдаж байсны адил 20 мянган ам.доллар орчим хэмээн таамаглаж байгаа аж.

Өмнө нь цахилгаан автомашины “Теsla” компаниараа дамжуулан автомат жолоодлогын систем,  “Space X” компаниараа сансар руу пуужин хөргөх хэд хэдэн туршилт хийсэн Элон Маск энэ удаад хиймэл оюун, роботыг гол “бай”-гаа болгожээ. Мөн тэрбээр “Tesla” компани дотоод хэрэглээндээ зориулж 2025 онд АНУ-д цөөн тоогоор худалдаанд гаргах бөгөөд бидний ажлыг даган 2026 оноос хүн дүрст роботын үйлдвэрлэл хурдацтай хөгжинө гэж бодож байна” гэсэн байна.