-23 жил найзалсан найзынхаа хоёр нүдийг сохолсон этгээдэд 10 жилийн хорих ял оноожээ-

Шүүгдэгч А нь согтууруулах ундаа хэрэглэсэн үедээ бусдыг онц хэрцгийгээр зодож, гэмтэл учруулсан хэргийг “Хавтаст хэрэг” буланд тоймлон хүргэж байна.

 А нь 2016 оны арванхоёрдугаар сарын 24-ний өдөр Сүхбаатар дүүргийн нутаг дэвсгэрт хохирогч Б-ын хоёр нүдийг ухаж, сохолжээ. Энэ хэргийн улмаас хохирогч Б-ын нүдэнд дахиж хараа орохгүй гэсэн дүгнэлт гарчээ.

Би Б-г “Утсаа зараад архи авчих уу” гэж асуухад “Чамд 20 мянган төгрөг байгаа биз дээ” гэж хариулсан. Би өөрт байгаа 20 мянган төгрөгөө өгөхгүй гэхэд Б намайг “Үхлээ юу” гэж хэлээд бэлэг эрхтэн рүү өшиглөхөөр нь би эргүүлээд цохьсон.

Шүүгдэгч А шүүх хуралдаанд мэдүүлэхдээ “Хэрэг гараг өдөр Б бид хоёр гар утаснаас болж муудалцсан. Би Б-г “Утсаа зараад архи авчих уу” гэж асуухад “Чамд 20 мянган төгрөг байгаа биз дээ” гэж хариулсан. Би өөрт байгаа 20 мянган төгрөгөө өгөхгүй гэхэд Б намайг “Үхлээ юу” гэж хэлээд бэлэг эрхтэн рүү өшиглөхөөр нь би эргүүлээд цохьсон. Зугтах гэж оролдохоор нь би араас нь татсан чинь  миний хуруунаас хазаад тавихгүй байсан. Хуруунаас цус гоожоод байхаар нь хавирч унагаагаад, “Чи муу яасан зэвүүн п... вэ. Надад гай болно шүү” гэж хэлээд хоёр хуруугаа нүд рүү нь дарж, газар мөргүүлчихээд яваад өгсөн. Тэр орой Баянбүрдийн ойролцоо нэгэн байрны орцонд орж хоноод, эхнэр рүү нь “Б очсон уу” гэж залгаж асуухад эхнэр нь “УНТЭ-т яаралтай ир. Чи хоёр нүдийг нь сохолчихсон байна шүү дээ” гэж хэлсэн. Би УНТЭ-т очиход эхнэр нь гадаа зогсож байсан. Сандраад “Үнэхээр сохорчихсон юм байна” гэж бодоод айгаад яваад өгсөн” гэжээ.

А өмнө нь хулгайн хэрэгт холбогдож, ял эдэлж байсан. Тэр миний нүдийг сохлох гээд цээжин дээр сууж байхдаа “Чамаас болж долоон жил зовсон. Чи надад гай болсон, нүдийг чинь сохолно” гэж хэлж байсан.

Харин хохирогч Б шүүх хуралдаанд мэдүүлэхдээ “А манайд  20 орчим хоног амьдарсан. Хэрэг гардаг өдөр А, Ш бид гурав байсан. А миний нүдийг ухна гэж байхад би Ш-ээс тусламж хүсэхэд “Надад хамаагүй, өөрсдөө учраа ол” гэж хэлж байсан. Миний зүүн нүдийг ухах гэж байхад нь би чигчий хурууг нь хазсан санагдаж байна. Миний цээжин дээр гараад суучихсан байсан учраас би дийлээгүй.  А 461 дүгээр ангид хоригдож байхдаа Д, Ш, гээд миний найзуудтай таарсан байна лээ. Тэр хэлэхдээ “Б сохроод үлдсэн, хохино. Би хожсон, дээд тал нь л найман  жилийн ял аваад гарна” гэж ярьсан байсан. А өмнө нь хулгайн хэрэгт холбогдож, ял эдэлж байсан. Тэр миний нүдийг сохлох гээд цээжин дээр сууж байхдаа “Чамаас болж долоон жил зовсон. Чи надад гай болсон, нүдийг чинь сохолно” гэж хэлж байсан. Миний нүдэнд дахиж хэзээ ч хараа орохгүй, маш их гомдолтой байна. Хагалгаанд орох гэж байхдаа хараа орох эсэх талаар асуухад эмч “Нүдтэй толгойгоор сольдоггүй л юм бол хараа орох боломжгүй” гэж хариулсан.  Би амьдаараа үхэж байна. Энэ хүн надад долоон жилийн турш өс санаж, шоронгоос гарч ирээд  хоёр нүдийг маань ухсан. Намайг яаж амьдар гэж байгаа юм бэ. Би ажил хийх боломжгүй учир эхнэр, гурван хүүхэдтэйгээ “Зөв амьдрах ухаан” ТББ-ын хашаанд амьдарч байгаа. Ээж минь миний эмчилгээний зардлыг төлөх гээд тэтгэврийн зээл авсан.

А надаас уучлалт гуйгаагүй. Би А-д “Чамд ганцхан боломж олгож байна. Надаас чин сэтгэлээсээ уучлалт гуй. Би чамайг бодсон юм биш хөгшин настай ээжийг чинь бодож байна. Чамайг шоронд ороод гараад ирэхэд ээж чинь амьд байхгүй шүү” гэж хэлсэн ч уучлалт гуйгаагүй. 23 жил найзалчихаад яаж ийм байдаг юм бэ. Нотлох баримт нь цугларсан хохирлын хэмжээ 479.000 төгрөг. Хүний нүд энэ мөнгөнд олдох уу” гэж мэдүүлжээ.

Шүүхээс шүүдэгч А-г хүний эрүүл мэндэд хүнд хохирол санаатай учруулсан буюу Эрүүгийн хуулийн тусгай ангийн 11.1 дүгээр зүйлийн 2.1, 2.3 дахь хэсэгт заасан гэмт хэрэг үйлдсэн гэм буруутайд тооцож, арван жилийн хорих ялаар шийтгэжээ. Мөн Эрүүгийн хэрэг хянан шийдвэрлэх тухай хуулийн 36.4 дүгээр зүйлийн 2.т тус тус зааснаар шүүгдэгч А-аас 10 сая төгрөг гаргуулж, хохирогч Б- д олгохоор болсон байна.

Эх сурвалж: Монголын Криминологичдын холбоо