Японы мэргэжлийн сүмо бөхийн арваннэгдүгээр сарын кюүшү башёгийн 14 дэх өдрийн барилдаан өндөрлөв. Өнөөдөр башёгийн сүүлийн өдрийн барилдаан болно. Энэ удаагийн башёгийн макүшита зиндаанд Тамашохо Э.Энхманлай нэг ч унаагүй, долоон даваатай түрүү хүртлээ.

     Харин дээд зиндаанд секиваке Хошёорюү С.Бямбасүрэн 14 дэх өдрийн барилдаанд Абид өвдөг шороодон түрүүлэх боломжоо алдаж, арван даваа, дөрвөн унаатай боллоо. Жүрёо зиндаанд Ошёоүма П.Дэлгэрбаяр 11 даваа, гурван унаатайгаар башёг тэргүүлж явна.