-ТОМИЛОЛТ: “БОРДЮР АЖИЛЛАГАА”-НЫХАН ЭРЭЭНЭЭС НЭГ ШИРХЭГ БОРДЮРЫГ 20 МЯНГАН ТӨГРӨГӨӨР АВЧ, УЛСАД ХЭД ДАХИН ӨНДӨР ҮНЭЭР ШАХАЖ БАЙНА-II

        Эргэлт.мн мэдээллийн сайтын Эрэн сурвалжлах нэгдэл БНХАУ-ын Ташингийн чулууны үйлдвэрээс сурвалжилга бэлтгэж, хотод нийлүүлэгдэж байгаа бордюрын үнэ 20 мянга байгааг баримттайгаар хүргэж байгаа билээ. Уншигч та өмнөх сурвалжилгыг https://ergelt.mn/news/66/single/47537 энд дарж уншина уу.

       Энэ удаагийн сурвалжилгаа Хотын дарга Х.Нямбаатарт хаяглаж байна. Мөн “Бордюр ажиллагаа”-нд хулгай нүүрлэсэн байж болзошгүй учир шалгаж, тогтоох эрхийг нь хууль хяналтын байгууллагынханд үлдээж байна.

ӨВӨРМОНГОЛЫН АЛТАН-ОД ГЭХ ЗАЛУУ МОНГОЛ РУУ БОРДЮР НИЙЛҮҮЛЖ БАЙНА

        Ташингийн чулууны үйлдвэрээс монголчууд нэг метрийн урттай, 15 см-ийн өндөртэй, 35 см-ийн өргөнтэй буюу нийслэлд нийлүүлж буй бордюрыг 44 юаниар худалдан авч байгаа. Үүнийг нь тус үйлдвэрийн дарга нь баталж, Өвөрмонголын Алтан-Од гэх залууд нийлүүлж байгаагаа хэлсэн. Ойлгомжтой байх үүднээс тайлбарлавал, 32 ширхэг бордюрыг багцалж, нэг боодол болгосон. 32 ширхэг бордюрын үнэ нь 1411 юань. Уг үнийн дүнг 32 ширхэгтэйгээ хуваавал 44 юань буюу 21 мянган төгрөг болж байгаа юм.

          Ташингийн чулууны үйлдвэрийн эзний хэлж буйгаар “Таны асууж байгаа хэмжээгээр энэ жил 2000-3000 тонн бордюр захиалж авсан. Мөн одоо ч захиалгаа үргэлжлүүлэн хийж байгаа. Тэгэхээр энэ тоо цаашид нэмэгдэнэ гэсэн үг. Монголын талаас надтай харилцсан хүн байхгүй. Харин Өвөрмонголын Алтан-Од гэх эрэгтэй холбогдож, захиалгаа өгдөг. Манай үйлдвэрээс ганцхан аваагүй. Баянтал болон өөр хол газруудаас чулуу авч байгаа. Эрээний зах дээр ийм үнээр энэ чулуу зарагдахгүй. Тэд чинь бол лангууны худалдаачид. Харин бид үйлдвэр гэсэн үг. Тэгэхээр их хэмжээгээр захиалга өгөх хүмүүс үйлдвэрээс нь захиалдаг” гэснээр бидний яриа өндөрлөж, бид Эрээн хотыг зорив.

БОРДЮР НИЙЛҮҮЛДЭГ ӨВӨРМОНГОЛ: БОЛОРОО, МӨНХӨӨ ГЭЖ ХОЁР ХҮН УЛААНБААТАР РУУ ИХ ХЭМЖЭЭГЭЭР БОРДЮР АВЧ БАЙГАА

       БНХАУ-ын Эрээн хотын гаалийн талбайгаас 500 метр орчмын зайд Ташингийн чулууны үйлдвэрийн эзний хэлсэн Өвөрмонголын Алтан-Од гэх залуугийн компани байрладаг ажээ. Биднийг очих үеэр нутаг руугаа явж, эзгүй байлаа. Харин түүний эхнэр тосож авсан юм.

      Тэрбээр “Манайх Монгол руу барилгын материал нийлүүлдэг. Харин энэ зун их хэмжээгээр бордюр нийлүүлж байна. Манайхаас Болороо, Мөнхөө гэх хоёр захиалж авдаг юм. Бид чулууны үйлдвэрээс захиалаад, Эрээн хүртлэх тээвэрлэлтийг нь хариуцаж, гаалийн хашаанд авчирдаг. Тэгээд өөрсдийнхөө таньдаг болон гэрээтэй Монгол машинд ачаад Улаанбаатар руу явуулдаг. Эрээний гаалийн бүрдүүлэлт, зардал, захиалга, тээвэрлэлтийг нь бид хариуцдаг гэсэн үг. Харин Монголын талыг Болороо, Мөнхөө хариуцдаг. Бидний захиалсан бордюр ихэвчлэн Зайсан чиглэлд бууж байгаа. Зам засварын ажлыг тэнд хийж байгаа юм шиг байна лээ. Нөхөр маань эзгүй байгаа учраас Монгол руу хэдэн төгрөгөөр нийлүүлдэгийг мэдэхгүй. Захиалга өгч, авдаг Ташингийн чулууны үйлдвэр рүү та бүхэн очиж уулзсан гэсэн. Тэднийхээс хэлсэн үнэтэй манайх яг адилхан” гэсэн юм.

         Үйлдвэрийн үнэтэй адил гэхээр 44 юань гэсэн үг. Захиалагч, үйлдвэрийн эзний хэлж буй үнэ таарч байгаа нь зүгээр ч нэг тохиолдол биш. Нэг тоо бодож үзье. Нэг ширхэг бордюрын үнэ 21 мянга, ачааны хөлс нь 17 мянга, гааль, татвар 5000 мянган төгрөг гэж тооцвол ойролцоогоор нэг ширхэг бордюр хотод 43 мянган төгрөгөөр хүрч байна гэсэн үг. Харин буулгалтын үнийг нэг ширхэг бус бүрт 7000 гэж тооцвол нэг ширхэг бордюрын үнэ хамгийн ихдээ 50 мянган төгрөг болж байна. Харин хотод нийлүүлэгдэх үнэ нь 127-178 мянган төгрөг. Эндээс тооцож үзвэл, “Бордюр ажиллагаа”-ныхан 80-130 мянган төгрөгөөр илүү буюу 3-5 дахин өндөр үнээр 20 мянгөн төгрөгийн бордюроо нийлүүлж байна гэсэн үг.

         Эрээний захаар монголчууд бордюр хайгаад эхэлсэн байсан. Тэгээд бүүр “40 юанийн бордюр байхгүй, энэ бол 10 жилийн өмнөх үнэ” гээд Өвөрмонгол худалдаачид ярьж байна лээ. Зарим хэвлэл мэдээллийн хэрэгсэл БНХАУ-д бордюрын мөрөөр ажиллаж байгаа ч гэх мэдээлэл гараад байгаа. Бид очиж сурвалжилга бэлтгэсэн Ташингийн чулууны үйлдвэрийн эзний холбогдох утасны дугаар, нэр, үйлдвэрийн хаяг гэх мэт мэдээллийг хууль хяналтын байгууллага болон хэвлэл мэдээллийн хэрэгслийнхэнд өгөхөд татгалзах зүйлгүй гэдгийг албан ёсоор хэлэх байна.

ТАНИЛЦ: ЗАМ ЗАСВАРЫН ТЕНДЕРТ ЯЛЖ, БОРДЮР НИЙЛҮҮЛЖ БАЙГАА 27 КОМПАНИ

      Энэ онд нийт 87 байршилд 162 км авто зам шинэчлээхээр төлөвлөн ажиллаж байгаа. Үүнээс 35 байршилд зам засварын ажил гүйцэтгэж дуусаад байгаа.

2024 оны зам засварын ажилд шалгарсан компаниуд

1. “Квадровэй” ХХК нь

-Чингэлтэй, Сүхбаатар дүүргийн Бага тойруу буюу Цэцэг төвийн уулзвараас ШУТИС-ийн уулзвар хүртэлх авто замын хэсэгчилсэн засвар, шинэчлэлтийн ажил гүйцэтгэх- 3.7 тэрбум төгрөгийн тендер

-Чингэлтэй дүүргийн гол болон туслах гудамж замуудын арчлалт, засварын ажил гүйцэтгэх- 1.4 тэрбум төгрөгийн тендер

-Чингэлтэйн өргөн чөлөө буюу 32-н уулзвараас Хайлаастын уулзвар хүртэлх авто замын хэсэгчилсэн засвар, шинэчлэлтийн ажил гүйцэтгэх- 2.1 тэрбум төгрөгийн тендер

2.“Грэйт роуд” ХХК

-Баянзүрх дүүргийн Нийслэл хүрээ өргөн чөлөө, Дүнжингарав худалдааны төвийн уулзвараас И-март худалдааны төвийн уулзарт хүртэл буюу Үндэсний цэцэрлэгт хүрээлэнгийн арын авто замын хэсэгчилсэн засвар, шинэчлэлтийн ажил гүйцэтгэх- 3.5 тэрбум төгрөгийн тендер

-Хувьсгалчдын гудамж буюу Тасганы овооны уулзвараас Зурагтын эцэст хүртэлх авто замын засвар шинэчлэлтийн ажил гүйцэтгэх- 3.8 тэрбум төгрөгийн тендер

-Баянгол дүүргийн гол болон туслах гудамж замуудын арчлалт, засварын ажил гүйцэтгэх- 903 сая төгрөгийн тендер

3. “Экспресс зам” ХХК нь

-Сонгинохайрхан дүүргийн 35-р хороонд 1.3 км зам тавих- 4.0 тэрбум төгрөгийн тендер

-Баянзүрх дүүргийн Намьянжугийн гудамж буюу Зүүн дөрвөн замаас Нарантуулын уулзвар хүртэлх авто замыг засвар, шинэчлэлтийг гүйцэтгэх- 3.1 тэрбум төгрөгийн тендерт шалгарсан.

-Чингэлтэй дүүргийн гол болон туслах авто замуудын арчлалт, засварын ажил гүйцэтгэх- 1.4 тэрбум төгрөгийн тендерт тус тус шалгарчээ.

4. “Баткубик” ХХК

-Богд уулын арын авто замыг шинэчлэх 1.2 тэрбум төгрөгийн тендер

-Гэсэр сүмийн уулзвараас Дөлгөөн нуурын уулзвар хүртэлх авто замыг шинэчлэх 2.7 тэрбум төгрөгийн тендер

- Амгалангийн авто замыг шинэчлэх 4.7 тэрбум төгрөгийн тендер

- Энхтайваны гүүрнээс 10-р хорооллын уулзвар хүртэлх авто замыг буюу Нарны замыг шинэчлэх 9.4 тэрбум төгрөгийн тендер

5. “Заабар” ХХК

Яармагийн гүүрнээс Нүхтийн уулзвар хүртэлх авто замыг шинэчлэх, бордюрыг нь солих 5.7 тэрбум төгрөгийн тендер

6. “Ди Вай Кэй Би” ХХК

-СХД-ийн 4, 5 дугаар хорооны далан дагасан авто замын засвар, шинэчлэлт. (Толгойтын замаас далан дагаад Баянхошууны зам)-ын 2.5 тэрбумын тендер

-Чингэлтэйн өргөн чөлөөний авто замын хэсэгчилсэн засвар, шинэчлэлт. (7-н буудлын эцсээс Дамбын пост)-ны 1.3 тэрбумын тендер

-Дарь-Эхийн авто замын засвар, шинэчлэлт (Сансарын колонкийн уулзвараас Дамбадаржаагийн уулзвар хүртэл)            замын 6.8 тэрбумын тендер

7. "Бридж Бюлдинг" ХХК

Нийслэл хүрээний гудамжны авто замын хэсэгчилсэн засвар, шинэчлэлт. (120-ын Тэмээтэй хөшөөний уулзвараас зүүн тийш Е-мартын уулзвар)- 7.3 тэрбумын тендер

8. “Эко эвсэг зам” ХХК

-Налайх дүүргийн авто замын засвар- 494 сая төгрөг

-Их нарангийн авто замын засвар, шинэчлэлт. (Толгойтын авто замаас Улаан чулуутын хогийн цэг)- 2.5 тэрбум

-Багахангай дүүргийн авто замын засвар- 150 сая төгрөг

-Хотын гол болон туслах гудамж замуудын арчлалт, засварын ажил (Хан-Уул дүүрэг-1)- 1.2 тэрбум төгрөг

9. “Хишигбуянт зам” ХХК

-Ард Аюушийн өргөн чөлөөний авто замын хэсэгчилсэн засвар, шинэчлэлт. (Саппорогийн уулзвараас Гэмтлийн уулзвар)- 1.5 тэрбум төгрөг

-Хилчний гудамжны авто замын хэсэгчилсэн засвар, шинэчлэлт (Баянзүрх дүүрэг)- 780 сая төгрөг

-Сумын төв дотрох 2 км авто замын хучилтын ажил- 1.4 тэрбум төгрөг

10. “Хөвчийн зам” ХХК

-Нарны замын хэсэгчилсэн засвар, шинэчлэлт. (Өгөөмөр захаас Чулуун овооны тойрог)- 4.3 тэрбум төгрөг

            11. “Топ буянт зам” ХХК   

-Шархадны авто замын хэсэгчилсэн засвар, шинэчлэлт. (Цайз захын уулзвараас Эрдэнэтолгойн уулзвар)- 2.9 тэрбум төгрөг

            12. “Дэд бүтэц консалт” ХХК

-Хотын гол болон туслах гудамж замуудын арчлалт, засварын ажил (Сонгинохайрхан дүүрэг-2)- 1.6 тэрбум төгрөг

-Хотын гол болон туслах гудамж замуудын арчлалт, засварын ажил (Сонгинохайрхан дүүрэг-1)- 1.6 тэрбум төгрөг

-Их тойруугийн авто замын хэсэгчилсэн засвар, шинэчлэлт. (Өлзий төвөөс 100-н айлын уулзвар)- 1.9 тэрбум төгрөг

-Их тойруугийн авто замын хэсэгчилсэн засвар, шинэчлэлт. (Баруун 4 замаас- Гэсэр сүмийн уулзвар)-2.2 тэрбум төгрөг

-Нарны авто замын хэсэгчилсэн засвар, шинэчлэлт (Баянзүрх дүүрэг, Соёолжийн нүхэн гарц орчмоос Нарантуул олон улсын худалдааны төвийн уулзвар чиглэл)

-Их монгол улсын гудамжны авто замын засвар, шинэчлэлт. (Хоум плазагаас урагш Их тэнгэрийн уулзвар хүртэл)- 4.7 тэрбум төгрөг

13. “Неонгэгээ” ХХК

-Их тойруугийн авто замын хэсэгчилсэн засвар, шинэчлэлт. (Сансарын аюулгүйн тойргоос Зүүн 4 зам)- 1.5 тэрбум төгрөг

-Чингүнжавын гудамжны авто замын засвар, шинэчлэлт. (Өргөө кино театрын уулвараас 25 эмийн сангийн уулзвар)- 2.7 тэрбум төгрөг

-"Орлогод нийцсэн орон сууцны төсөл"-ийн хүрээнд хийгдэх авто зам, гаднах тохижилтын ажил (Улаанбаатар хот, Хан-Уул дүүрэг, 25 дугаар хороо)- 1.6 тэрбум төгрөг                

     14. “Нано-Экологи” ХХК

-Их тойруугийн авто замын хэсэгчилсэн засвар, шинэчлэлт. (100-н айлын уулзвараас Сансарын аюулгүйн тойрог)      - 3.2 тэрбум төгрөг

-Хотын гол болон туслах гудамж замуудын арчлалт, засварын ажил (Баянгол дүүрэг-1)- 900 сая төгрөг

15. “Мос говь” ХХК

-Галданбошготын гудамжны авто замын засвар, шинэчлэлт. (32-ын уулзвараас Баянбүрдийн тойрог)- 3.4 тэрбум төгрөг

-Нарны авто замын хэсэгчилсэн засвар, шинэчлэлт (Баянзүрх дүүрэг, Нарантуул олон улсын худалдааны төвийн уулзвараас Өгөөмөр зах чиглэл)- 1.7 тэрбум төгрөг

-Сансарын туслах авто замын засвар, шинэчлэлт. (Сансарын колонкоос Зүүн 4 зам хүртэл зорчих хэсгийн баруун тал)- 1 тэрбум төгрөг

            16. "Шинэ цагийн зам" ХХК  

-Хотын гол болон туслах гудамж замуудын арчлалт, засварын ажил (Сүхбаатар дүүрэг-1)- 976  сая төгрөг

-Хатанбаатар Магсаржавын гудамжны авто замын засвар, шинэчлэлт (Баянгол дүүрэг)- 751 сая төгрөг

            17. “Мегатитан” ХХК

-УБЦТС-ын баруун талын авто замын засвар, шинэчлэлт (Хан-Уул дүүрэг)- 792 сая төгрөг

-Архивчдын гудамжны авто замын засвар, шинэчлэлт. (Нисэхийн тойргоос нисэхийн хурдны зам)- 8.6 тэрбум төгрөг

-Орбитын авто замын хэсэгчилсэн засвар, шинэчлэлт (Сонгинохайрхан дүүрэг)- 2.5 тэрбум төгрөг

            18. “Жинчингранд” ХХК

-Хотын гол болон туслах гудамж замуудын арчлалт, засварын ажил (Баянзүрх дүүрэг-2)- 1.5 тэрбум төгрөг

-Хотын гол болон туслах гудамж замуудын арчлалт, засварын ажил (Баянзүрх дүүрэг-1)- 1.5 тэрбум төгрөг

19. “Баян-Өлзийт зам” ХХК         

-Дүнжингарав худалдааны төвийн урд талын авто замын хэсэгчилсэн засвар, шинэчлэлт (Баянзүрх дүүрэг)- 1.6 тэрбум төгрөг

-Их тойруугийн авто замын хэсэгчилсэн засвар шинэчлэлт (Дөлгөөн нуурын уулзвараас Өлзий төвийн уулзвар хүртэл)- 1.1 тэрбум төгрөг

-Ажилчны гудамжны авто замын засвар, шинэчлэлт. (Саппорогийн уулзвараас Чингисийн өргөн чөлөө)- 6.2 тэрбум төгрөг

-Дүнжингарав худалдааны төвийн урд талын авто замын засвар, шинэчлэлтийн өргөтгөл- 1.6 тэрбум төгрөг

20. “Аасгалдай” ХХК         

-Хонхны гудамжны засвар, шинэчлэлт (Энхтайваны өргөн чөлөө, Төмөр замын уулзвараас Өгөөжийн уулзварын зүүн тал хүртэл)- 1.4 тэрбум төгрөг

-Элчингийн гудамжны авто замын засвар, шинэчлэлт. (Шангрилагийн уулзвараас Парисийн гудамж хүртэл)- 1 тэрбум төгрөг

-Чагдаржавын гудамжны авто замын засвар, шинэчлэлт. (Энхтайваны өргөн чөлөөнөөс урагш Элчингийн гудамж хүртэл)- 545 сая төгрөг

21. "Трүйрөүд" ХХК

-Богд уулын арын авто замын баруун хэсгийн засвар, шинэчлэлт- 2.5 тэрбум төгрөг

-Чингисийн өргөн чөлөөний авто замын хэсэгчилсэн засвар, шинэчлэлт. (120-ын Тэмээтэй хөшөөний уулзвараас ТЭЦ-3-ийн уулзвар)- 7.4 тэрбум төгрөг

-Чингисийн өргөн чөлөөний авто замын хэсэгчилсэн засвар, шинэчлэлт. (Энхтайваны гүүрнээс дунд голын гудамж, Тэмээтэй хөшөө)- 2.8 тэрбум төгрөг

22. "Гоц тех инженеринг" ХХК

-Хотын гол болон туслах гудамж замуудын арчлалт, засварын ажил (Хан-Уул дүүрэг-2)- 1.2 тэрбум төгрөг

-Доржийн гудамжны авто замын хэсэгчилсэн засвар, шинэчлэлт. (Сансарын аюулгүйн тойргоос Хил хамгаалахын ерөнхий газрын хойд уулзвар)- 1.8 тэрбум төгрөг

-Үндсэн хуулийн гудамжны авто замын засвар, шинэчлэлт. (Баруун 4 замын уулзвараас Нарны зам)- 1.8 тэрбум төгрөг

23. “Тотал-Инж” ХХК

-Богд уулын арын авто замын хэсэгчилсэн засвар, шинэчлэлт. (Маршалын гүүрнээс Баянзүрхийн гүүр)- 8.8 тэрбум төгрөг

-24. “Тэгштплант” ХХК

-Богд уулын арын авто замын засвар, шинэчлэлт. (Буган Халиунаас Маршалын гүүр)- 1.1 тэрбум төгрөг

25. “Түм-Арвижих” ХХК

-Зайсангийн гудамжны авто замын хэсэгчилсэн засвар, шинэчлэлт. (120 мянгатын уулвараас Зайсангийн гүүр)       - 3.9 тэрбум төгрөг

26. “Билэгтзам” ХХК

-Найрамдлын авто замын засвар, шинэчлэлт. (Тахилтын уулзвараас Найрамдал зуслан)- 20 тэрбум төгрөг

27. “Эм Эм роуд бридж” ХХК

-Цагдаагийн академийн өргөн чөлөөний авто замын засвар, шинэчлэлт. (Офицеруудын ордны тойргоос Ботаникийн уулзвар)- 5.2 тэрбум төгрөг

-Хүннүгийн гудамжны авто замын засвар, шинэчлэлт. (Хоум Плазагийн уулзвараас Дүнжингарав худалдааны төвийн уулзвар хүртэл)- 2.1 тэрбум төгрөг

ХОТЫН ДАРГА АА, “БОРДЮР АЖИЛЛАГАА”-НД ХУЛГАЙ НҮҮРЛЭЖЭЭ

          Дээрх компаниуд хотод бордюр нийлүүлж, зам засварын ажлыг хийж гүйцэтгэж байгаа гэсэн үг. Монголчууд нэг ажил хийх гэж түүнээсээ хэд дахин ихийг иддэг, залгидаг болоод удлаа. Үүний хамгийн том тод жишээ нь “ногоон автобус”-ны хэрэг. “Цавчаа ногоон”-ы хэрэг шүүхэд шилжээд шийдэгдэж амжаагүй байтал “бордюрын хэрэг” мандах бололтой. Хотын дарга аа, “Бордюрын мафи”-ийнхан хотод хэд дахин өндөр үнээр бордюр шахаж л байг уу, үүнийг хууль хяналтын байгууллагад шалгуулах уу.