Ховд аймгийн Засаг дарга М.Амарсанаа: “Халзан бүрэгтэй”-н төсөл удахгүй эхэлнэ, эсэргүүцэлтэй тулбал хууль сахиулахынхан ажлаа хийнэ

2025-04-29, 480

Ард иргэдийн эсэргүүцэлтэй тулсан “Халзан бүрэгтэй”-н төслийг Ховд аймгийн Засаг дарга М.Амарсанаагийн захирамжаар өнгөрсөн намар зогсоосон. Тодруулбал, Ховд аймгийн Мянгад суманд “Халзан бүрэгтэй”-д газрын ховор элементийн ашиглалтын тусгай зөвшөөрөл эзэмшигч “Монголиан нэшнл рийр ийрт корп” ХХК-ийн үйл ажиллагаа явуулахдаа зөрчил гаргасан болох нь эрх бүхий албан тушаалтны шийдвэрээр тогтоогдож, долоо хоногийн өмнө үйл ажиллагааг нь зогсоосон байдаг.

Тэгвэл уг төслийн ажил удахгүй эхлэх ажээ. Энэ талаар Ховд аймгийн Засаг дарга М.Амарсанаатай холбогдож тодрууллаа.

Тэрбээр “Халзан бүрэгтэй” төслийн ажил удахгүй эхлэх байх. Одоогийн байдлаар аймаг, сумын удирдлагад мэдэгдсэн зүйл алга. Ард иргэдэд мэдээлэл өгөх Ажлын хэсэг байгуулагдсан. Иргэдийг үнэн зөв мэдээллээр хангах гурван ч уулзалт зохион байгуулсан. Мянгад суманд “Мэдээллийн төв” байгуулсан. Төслийн хайгуулын ажил эхлэх үед иргэд эсэргүүцвэл аймгийн Засаг дарга захирамж гаргаад, дахиад зогсоох боломжгүй. Аж ахуйн нэгж нь хуулийн дагуу үйл ажиллагаа явуулна шүү дээ. Ийм байхад эсэргүүцэж, асуудал үүсгэвэл хууль сахиулахынхан ажлаа хийнэ биз ээ. Аймгийн удирдлагуудын зүгээс “Халзан бүрэгтэй” төслийг зогсоох, эсэргүүцэх ямар ч шаардлага байхгүй. Хуулийн дагуу үйл ажиллагаа явуулж байгаа аж ахуй нэгжийг эсэргүүцэж болохгүй. “Халзан бүрэгтэй” төсөл Мянгад сумын Гахайт багт хэрэгжинэ. Энэ багт 10 гаруй малчин айл бий. Хайгуулын ажил дөнгөж эхлэх учир эдгээр айлыг нүүлгэх шаадлагагүй. Уурхайд бүсэд айл байхгүй” гэлээ.

Ховд аймгийн Засаг дарга М.Амарсанаа: “Халзан бүрэгтэй”-н төсөл удахгүй эхэлнэ, эсэргүүцэлтэй тулбал хууль сахиулахынхан ажлаа хийнэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2025-04-29 20:14:17

Зочин: АН ын засаг дарга АНд үйлчилж эхэллээ. Ард түмний хүсэл сонирхол түүнд ямар ч хамаагүй. Халзан бүргэдээ хамгаалж засаг даргыг авч хаях цаг ирлээ. Тэмцэлд бэлдээрэй ард түмэн