Ховд аймагт хоёр иргэнээс коронавирусийн халдвар илэрч, тус аймагт нийт батлагдсан тохиолдол 243 боллоо.

Тодруулбал, Бүсийн оношилгоо эмчилгээний төвийн Вируслогийн салбар лабораторид энэ сарын 2-3-ний өдөр нийт 208 сорьцод PCR шинжилгээ хийхэд хоёр иргэнээс коронавирус илэрсэн байна. Тухайн иргэд халдвартай иргэний ойрын хавьтал болсон тул тусгаарлан ажиглах байранд тусгаарлагдаж байжээ. Өнөөдрийн байдлаар тус аймагт ойрын хавьтал 408 иргэн тусгаарлагдаж байгаа аж. Харин сүүлийн 24 цагийн хугацаанд халдварын улмаас хэвтэн эмчлүүлж байсан 18 иргэн бүрэн эдгэрч, эмнэлгээс гарчээ.