ОНЦЛОХ ҮЙЛ ЯВДАЛ

МЭӨ 46 он

МЭӨ 46 оны дөрөвдүгээр сарын 6-ны энэ өдөр Ромын эзэн хаан Юлий Цезарийн цэргүүд Оптиматын бүгд найрамдах хүчний цэргүүдийг бут цохиж, ялалт байгуулжээ. Эзэн Юлий Цезарийн иргэний дайн хэмээн түүхэнд үлдсэн тус тулааныг Тапсусын тулаан гэдэг. Тухайн үеийн газар нутгийн байршлаар Тупсусын ойролцоо болсон тулаанд эзэн хаан Юлий Цезарийн цэргүүд Каесий Метелиус Скипио, Маркус Порсиус Като нарыг цэргүүдтэй буулган авсан юм.

1250 он

1250 оны дөрөвдүгээр сарын 6-ны энэ өдөр Францын хаан IX Луй болон түүний хүчирхэг арми Египетийн Аюубидсийн ханлигийг эзлэн авчээ. Дэлхийн түүхэнд загалмайтнууд буюу Христийн шашны арми лалын шашинтнууд, түрэгүүдийг буулган авсан тулааныг Загалмайтны аян дайн хэмээн тэмдэглэн үлдээсэн байдаг билээ.

1814 он

1814 оны дөрөвдүгээр сарын 6-ны энэ өдөр Францын эзэн хаан Наполеон Бонапартын эрх ямбыг халж, цөллөгт явуулсан байдаг. Тухайлбал, нэрт удирдагч Наполеоны нэр хүнд Бурбоны удмын хааны ширээний залгамжлагчид гарч ирснээр суларсаар байсан юм. Улмаар Бурбоны өөрчлөлт хэмээн түүхэнд тэмдэглэсэн үлдээсэн хааны ширээний төлөөх тэмцлийн үед эзэн хаан Наполеон Бонапартын эрх ямбыг халж, Элба арал руу цөллөгт явуулсан аж.

1896 он

1896 оны дөрөвдүгээр сарын 6-ны энэ өдөр орчин үеийн олимпын анхдугаар наадмыг зохион байгуулжээ. Тухайн үед олон улс даяар олимпизмийн хөдөлгөөн эрчээ авч, Ромын эзэн  хаан I Теодосий олимпын наадмыг хориглосноос даруй 1500 жилийн дараа анхны буюу орчин үеийн олимпын наадмыг Грекийн нийслэл Афин хотод зохион байгуулсан юм. Орчин үеийн олимпын наадмын анхны аваргаар Америкийн тамирчин Жеймс Коннолли гуравласан харайлтын төрөлд тэргүүн байр эзлэн тодорсон бөгөөд хожим дахин мөнгө, хүрэл медаль хүртсэн байдаг.

1972 он

1972 оны дөрөвдүгээр сарын 6-ны энэ өдөр АНУ-ын тэнгисийн цэрэг Вьетнамыг бөмбөгдөж эхэлжээ. Дэлхийн дайны түүхэнд Вьетнамын дайн гэх тодотголтой үлдсэн тус дайнд Коммунист эвcлээр дэмжүүлсэн Хойд Вьетнам, АНУ болон Зүүн Өмнөд Азийн гэрээний байгууллагын гишүүн орнуудаар дэмжүүлсэн Өмнөд Вьетнамын талууд байлдсан юм.

ОНЦЛОХ ХҮН

РАФАЕЛЬ

1483 оны дөрөвдүгээр сарын 6-ны энэ өдөр Италийн суут уран зураач Рафаель тухайн үеийн Урбино гэх газар мэндэлжээ. Ватиканы хааны ордны ханын зургуудыг зурснаасаа алдаршсан Рафаель Умбрын уран зургийн сургуулийн төлөөлөгч байсан юм. Харин суут зураач Рафаель 1520 оны дөрөвдүгээр сарын 6-ны мөн энэ өдөр Ромд амьсгал хураасан байдаг.

РИЧАРД

1199 оны дөрөвдүгээр сарын 6-ны энэ өдөр Английн хаан I Ричард таалал төгсжээ. Амьд ахуйдаа дайснууддаа өршөөл үзүүлдэг, амьдралын эерэг хандлагаараа алдартай байсан Ричард хаан 41 насандаа мөрөндөө авсан сумын шархаа даалгүй нас барсан юм.