Зохиолч, сэтгүүлч, яруу найрагч, орчуулагч Ж.Нэргүй гуайтай бид энэ оны дөрөвдүгээр сард ярилцлага хийсэн билээ. Тэрхүү ярилцлагаасаа онцлох ишлэгийг уншигч та бүхэн хүргэе. Тэрбээр багаасаа эрдэм номын мөр хөөж, сурсан мэдсэн зүйлээ үр, хойчдоо түгээн дэлгэрүүлэхээр хоёргүй сэтгэлээр зүтгэж буй нэгэн юм аа. 

***

Хань минь надад гурван сайхан үр төрүүлж өгсөн. Би аз нь хаясандаа нэгийг нь алдсан. Тэгээд нэг хэсэг архинд орсон. Хэрвээ тэр хэвээрээ байсан бол Дорнод аймагтаа, уусан архиндаа түлэгдэж дуусах байсан биз. Г.Аким гуай намайг “Чи улсын хэмжээнд сэтгэх цаг нь болжээ” гэж хэлээд улсын хэмжээнд авчирч өгсөн юм.

***

Багадаа ядуу, зүдүү, зовлон дундуур амьдарч байлаа.

***

Ардын уран зохиолч Б.Лхагвасүрэн гуай “Алтан ордны яруу найраг” номыг нь уншаад Ж.Нэргүй “Энэ ном бол чиний орчуулсан яруу найргийн номуудын оргил нь шүү” гэсэн

***

Асар их ялгаатай. Яруу найргийн орчуулгыг яруу найрагч хүн л хийдэг юм. Тэр дундаа гадаад болон эх хэлээ сайн мэдэг, сайн яруу найрагч л чаддаг зүйл.

***

Нэг их үгийг олон утгаар хэрэглээд байх юм бол тухайн улсын хэлийг ядуу гэж үздэг

***

Үгийг буруу сонгон хэрэглээд байгаа чинь Монгол хэлийг ядууруулаад байгаа юм л даа. Мөн лизинг л гэнэ. Заан Африк тивд амьдардаг гэж бичээд байна. Бүр дарга нар, эрдэмтэд сурган хүмүүжүүлэгчид, зохиолчид нь ингэж бичдэг.

***

Би “Монголын яруу найраг Д.Нямсүрэнгээр зуун жил зогссон” гэж бичиж байлаа

***

Орчин цагт авьяасаар бичдэг зохиолч цөөрсөн байна. Ихэнхдээ мэдээллээр болон мэдлэгээр бичдэг болсон. Тиймээс хүн бүхэн “Би том зохиолч, яруу найрагч, орчуулагч” гээд сагаад байгаа юм