Монгол Улсын хэмжээнд өнөөдөр коронавирусийн 333 тохиолдол илэрлээ. Улмаар манай оронд бүртгэгдсэн нийт коронавирусийн тохиолдлын тоо 942,186-д хүрэв.

Эрүүл мэндийн яамнаас “Ковид-19” цар тахлын шинэ давлагаа эхэлж болзошгүйг анхааруулаад байгаа. Гэсэн ч олон нийтийн дунд халдвараас урьдчилан сэргийлж, коронавирусийн дэгдэлтийн үед байсан айдас үгүй болжээ.

Цар тахал ид дэгдэж байх үе, өнөөдрөөс 482 өдрийн өмнө буюу өнгөрсөн оны дөрөвдүгээр сарын 3-нд улсын хэмжээнд нийт 281 хүнээс халдвар илэрч байв. Гэсэн ч албан мэдээллээс хойш буюу өдрийн дотор нэмж, 381 хүн коронавирусээр халдварлаж, Улаанбаатар хотод хатуу хөл хорио тогтоож байжээ.

Харин өнгөрсөн оны энэ өдөр улсын хэмжээнд коронавирусийн 1243 тохиолдол батлагдаж, долоон хүн нас барж байсан юм.