Элсэлтийн Ерөнхий Шалгалт дөхсөн энэ өдрүүдэд сурагчид догдлол, сандрал дүүрэн байгаа байх. Шалгалтын дараа тулгардаг нэг асуудал нь ямар мэргэжил, сургууль сонгох. Сургалтын төлбөр, тэтгэлэгийн тухай мэдээлэл байдаг. Тэгвэл бид энэ удаад Монгол Улсад үйл ажиллагаа явуулдаг сургууль, нэрэмжит тэтгэлэгийн мэдээлэл. Мөн гадаадын их сургуульд суралцах боломжуудыг нэгтгэн хүргэж байна. 

МОНГОЛД ХЭРХЭН ТЭТГЭЛЭГТЭЙ СУРАЛЦАХ ВЭ

Монгол Улсын Засгийн газар болон компаниуд олон төрлийн тэтгэлэгт хөтөлбөр зарладаг.Тэр дунд нэг семестрийн болон бүтэн жилийн сургалтын төлбөр гээд олон хуваагдана. Мөн гадаадын их дээд сургуулиуд руу явуулах эсвэл дотоодын сургуулиуд байдаг. Харин тавигдах шаардлага нь ихэвчлэн 3.5 голчоос дээшээ, нийгмийн идэвхтэй, суралцах чин хүсэлтэй байхыг шаарддаг. Эдгээр тэтгэлэг дунд буцалтгүй тэтгэлэг байхад  сургуулиа төгсөөд тэтгэлэг өгсөн компанид тодорхой хугацаанд ажиллах заалттай тэтгэлэг ч байдаг.

• Монгол Улсын Ерөнхийлөгчийн нэрэмжит тэтгэлэг
• Монгол Улсын Ерөнхий Сайдын нэрэмжит тэтгэлэг
• Зориг сан , Швейцарын хөгжлийн агентлагтай хамтарсан тэтгэлэг
• ХААН Банкны нэрэмжит “Шинэ оюутны тэтгэлэгт хөтөлбөр”
• Монголын Урлагийн Зөвлөлийн “Ирээдүйн авьяастан” сургалтын тэтгэлэгт хөтөлбөр
• “Оюу толгой” компаний боловсролын тэтгэлэгт хөтөлбөр
• “JCI” Монгол байгууллагын тэтгэлэг
• МОННИС группийн “Ирээдүйн манлайлагч” тэтгэлэгт хөтөлбөр гэх мэт тэтдлэгүүд дотоодын сургуулиудад ихэвчлэн нэг семестерийн тэтгэлэг олгодог.

Мөн их сургуулиуд өөрсдийн гэсэн тэтгэлэгт хөтөлбөр, буцалтгүй тусламжтай байдаг.

• "АШУҮИС-ийн "Захирлын нэрэмжит тэтгэлэг"
• "МУБИС-ийн “Захирлын нэрэмжит тэтгэлэг”
• "ХААИС-ийн “Захирлын нэрэмжит тэтгэлэг”
• "ШУТИС-ийн "Захирлын нэрэмжит тэтгэлэг"

       ГАДААДЫН ТЭТГЭЛЭГ АВАХ БОЛОМЖ

Дэлхийн хөгжилтэй орнуудад, өндөр чанарын боловсрол эзэмших бидэнд тийм ч хол биш болоод удаж байна. Зөвхөн өөрийн хүсэл эрмэлзлэл, тууштай зан байхад дэлхийн чансаа өндөр сургуульд суралцах боломжтой.  Аль улсыг сонгох суралцахаасаа хамаараад  тухайн улсынхаа хэлийг эх орондоо байх хугацаандаа үзэж судлах нь цаг хугацаа хэмнэхээс гадна сургалтын чанарт ихээхэн нөлөөлнө. 

IELTS, TOEFL-ын оноо өгөх нь гадаадад суралцах эхний шалгуур болдог. Улс орнуудад тэтгэлгээр суралцахад шаардагдах IELTS, TOEFL-ын оноо ерөнхийдөө ойролцоо бөгөөд тухайлбал, Австрали улсын Засгийг газрын тэтгэлэгт хамрагдахыг хүсвэл IELTS академик оноо 6,0 болон түүнээс дээш (үүнтэй зэрэгцэх TOEFL-ын) оноо шаарддаг бол Их Британи, Умард Ирландын Нэгдсэн Вант Улсын Чевенинг тэтгэлэг 6,5 оноо авсан байх хэрэгтэй. 

   IELTS, TOEFL-ын шалгалт өгөхөд зөвхөн хэлэндээ сайн байх нь хангалтгүй. Тухайн шалгалтыг өгөх арга, техник маш чухал. Иймээс цагаа зөв тооцоолох, яриандаа ямар үг хэрэглэх, бичихдээ ямар дүрмээр заавал бичих зэрэг тусдаа өргөн хүрээг хамарсан арга техниктэй байх хэрэгтэй. Энэ талаар бусдын туршлагыг сайн судалж, уншаарай.

• Засгийн газрын тэтгэлэг
• Сургуулийн тэтгэлэг
• Албан байгууллагын тэтгэлэг
• Хувь хүмүүсийн тэтгэлэг

  Засгийн газрын тэтгэлэг нь бусад тэтгэлгээ бодвол суралцагчийн бүхий л зардлыг төлдөг. Мөн ихэнх улс орнуудын засгийн газрын тэтгэлгүүд оны эхээр зарлагддаг. Зсгийн газрын тэтгэлэг оюутан, залуусыг мөнгөнд санаа зоволгүй, зөвхөн сургалтадаа анхаарахад зориулж бүхий л зардлыг тухайн улсын засгийн газраас төлдөг.  Үүнд дараах зардлууд багтдаг:

• сургалтын бүтэн төлбөр
• тухайн улсад очих, буцах хоёр талын унааны зардал
• суралцагч ирэхтэй холбогдуулж гарах зардал буюу тосон авах, визаны төлбөр гэх мэт
• амьдрах зардал буюу сар бүрийн байр хоол, унааны мөнгө
• эрүүл мэндийн даатгал
• судалгааны ажлын зардал, номны мөнгө

      Дэлхийд сургалтын чанараараа эхний 20 байрыг эзэлдэг нэр хүндтэй сургуулиудыг танилцуулж байна. Дараах сургуулиудын тэтгэлэгт хөтөлбөр зарлагдахад сурагчид хувиараа холбогдож тэтгэлгийн хүсэлтээ өгдөг билээ. Тус сургуулиудын нэг жилийн сургалтын  төлбөр 400-48000 ам.доллар хүртэл байдаг.

• Оксфордын их сургууль
• Калифорний Технологийн Институт
• Харвардын их сургууль
• Стэнфордын их сургууль
• Кембрижийн их сургууль
• Массачусетсийн технологийн их сургууль
• Принстоны их сургууль
• Калифорнийн их сургууль, Беркли
• Иелийн их сургууль
• Чикагогийн их сургууль
• Колумбын их сургууль
• Эзэн хааны коллеж Лондон
• Жонс Хопкинс их сургууль
• Пенсильванийн их сургууль
• ETH Zurich
• Бээжин их сургууль
• Цинхуа их сургууль
• Торонто хотын их сургууль
• UCL
• Калифорнийн их сургууль

    Эдгээр сургуулиудын тэтгэлэгт хамрагдах материалаа “Тэтгэлэг” апплэйкшн ашиглах хялбараар илгээх боломжтой.  Тэтгэлэгт хамрагдах нөхцөл, анхаарах зүйл бүгд багтсан байдаг.