Ерөнхий сайд асан Д.Бямбасүрэнгийн охин Б.Энхбайгаль өөрийн цахим хаягаараа дамжуулж мэдэгдэл гаргажээ.

 

Тэрбээр  "Аавтайгаа утсаар холбогдлоо. Сүүлийн үед хэвлэл мэдээлэлд огт ярилцлага өгөөгүй гэж байна. Зууны мэдээ сонин 2021 оны нэгдүгээр сард авсан ярилцлагаа доторх агуулгыг нь засаж, өөрчлөөд гаргажээ. "Баттулга, Хүрэлсүх хоёр өрсөлдвөл сайн өрсөлдөөн болно" гэсэн утгаар хэлснийг нь "Хүрэлсүхийг дэвшсэнд баяртай байгаа" болгон засаж, өнөөгийн цаг үед тохируулан өөрчлөөд нийтэлсэн байна.

 

Дотор нь бас засаж өөрчилсөн зүйл нэлээд байгаа бололтой. Энэ мэтчилэн хүний хэлснийг гуйвуулж, засаж өөрчилж, сонгуулийн сурталчилгаанд ашиглаж болохгүй. "Миний өмнөх байр суурь өөрчлөгдөөгүй, хэвээрээ байгаа шүү, Зууны мэдээ сониныхонд би бас дөнгөж сая утасдаж, арай дэндүү байна. ингэж болохгүй гэж хэллээ" гэж тодотгоод фэйсээр дамжуулж залруулаарай гэж надад захисан шүү" хэмээн нийтэлжээ.