Дүнжингарав худалдааны төвийн уулзварт газ тээвэрлэж явсан ачааны машины дэлбэрэлтэд өртөж амиа алдсан иргэдийн ар гэр, хохирогчид мэдээлэл хийлээ.

            Энэ үеэр тус дэлбэрэлтэд амиа алдсан иргэний хүү Б.Гантулга "Аав минь улсдаа 36 жил ажиллаад, хөдөлмөрлөөд ганцхан жилийн дараа тэтгэвэртээ гарах гэж байсан. Орон сууцны конторт насаараа ажилласан хүн. Сайхан аавыг минь харахын эцэсгүй болгож, амийг нь авчихаад биднийг хөсөр хаясан. Аав минь эгэл жирийн хөдөлмөрлөж, сүүлийн таван жил давхар ажил хийж байсан. Гэтэл аймшигтай болгосон. Хүнийг ийм болгож болохгүй байхгүй юу. Эхний нэг жил хүүхдүүд маань өвөөгөө нэхээд, одоо болтол ээж маань надтай хамт байдаггүй. Гэртээ байхаар бие нь тавгүйрхдэг. Аав минь олон ч гавьяа шагнал авсан.  Хүмүүс сайн мэднэ. Хүн бүрд тустай, буянтай явдаг хүн байсан. Үнэндээ их гомдолтой байна. Биднийг анхаарч, бидний хариуцлагыг хүлээхгүй бол талбай дээр суулт зарлана. Өлсгөлөн ч зарласан ч чадна" гэв.