"Шинэ Хархорум" хотын төлөвлөлтийн үзэл баримтлалыг боловсруулах төслийн санхүүжилтийн талаар мэдээлэл өглөө. Ерөнхийлөгчийн Эдийн засгийн бодлогын зөвлөх Б.Даваадалай "Шинэ Хархорум" хотын төлөвлөлтийн үзэл баримтлалыг боловсруулах олон улсын таван баг шалгарч, Монголын багтай хамтарч ажиллана. Шинэ хотын ерөнхий төлөвлөгөөний үзэл баримтлал наймдугаар сарын 31-нд гаргаж дуусгана.

    Нарийвчилсан ТЭЗҮ, тооцоо, үнэлгээг энэ онд багтаан дуусгахаар төлөвлөж байна. 2025 оны эхний улиралд "Шинэ Хархорум" хотын бүтээн байгуулалтыг эхэлнэ. Хотын төв талбайн зургийг судалж, төсөв, хөрөнгийг Засгийн газартай ярьж байна. Ерөнхийлөгчийн ордон зэрэг бүтээн байгуулалтыг эхлүүлэх ажлыг эрчимжүүлнэ. Олон улсын туршлагаас харахад төр, хувийн хэвшил, иргэд нийлж төслийг хэрэгжүүлэх ёстой. "Шинэ Хархорум" хот төслийг төр, хувийн хэвшлийн санхүүжилтээр хэрэгжүүлнэ. Бүх санхүүжилтийг улсын төсвөөс гаргадаг байх нь тухайн хотын санхүүгийн тогтвортой байдалд оновчтой биш. "Шинэ Хархорум" хотын байршил Монгол Улсын тээвэр ложистикийн зангилаа, аялал жуулчлалын хамгийн том бүс нутаг учир хувийн хэвшлийнхэн анхаарах ёстой төсөл. Эхний үзэл баримтлалаар хотын 30 хувь нь ногоон байгууламж байх, түүхэн дурсгалуудыг сэргээх, эрүүл мэнд, боловсролын үйлчилгээтэй, засаг, захиргааны нэгж, олон улсын компаниуд болон зарим ЭСЯ-ыг уг хотод байршуулах төсөөлөл гарч байгаа" гэв.