• Өнөөдөр 2022-11-27

“Эрдэнэс Монгол” ХХК Хөгжлийн банкны 117.2 тэрбум төгрөгийн зээлээ төллөө

2022-09-30,   101

        Монгол Улсын Хөгжлийн банк “Тавантолгой – Гашуунсухайт” чиглэлийн авто замыг төрийн мэдэлд шилжүүлэхтэй холбоотойгоор “Эрдэнэс Монгол” ХХК-д  2014 оны хоёрдугаар сарын 12-ны өдөр 170.5 тэрбум төгрөгийн зээлийг олгосон байдаг. Харин “Эрдэнэс Монгол” ХХК нь 2022 оны есдүгээр сарын 29-ний өдөр дээрх зээлээсээ 117.2 тэрбум төгрөгийн зээлийг эргэн төлснөөр 44.2 тэрбум төгрөгийн үлдэгдэлтэй боллоо. Дээрх төслийн талаар тодруулбал, “Экспортыг дэмжих хөтөлбөр”-ийн хүрээнд Нүүрсний экспортыг дэмжих талаар авах зарим арга хэмжээний тухай Засгийн газрын 2013 оны 299 дүгээр тогтоолын хүрээнд олгогдсон зээл бөгөөд төсөл 100 хувь хэрэгжсэн.

       Эргэн сануулахад, тус төсөл нь Хөгжлийн банкны зээлийн өр төлбөрийг барагдуулахаар гаргасан  Монгол Улсын Засгийн Газрын 2022 оны тавдугаар сарын 31-ний өдрийн 220 дугаар тогтоолд багтсан юм. Ийнхүү “Эрдэнэс Монгол” ХХК-ийн зээлээс 117.2 тэрбум төгрөг төлөгдсөнөөр Хөгжлийн банканд 2022 оны нэгдүгээр сарын 20-ны өдрөөс хойш 766.5 тэрбум төгрөгийн төлөлт хийгдээд байна гэж Монгол Улсын Хөгжлийн банкнаас мэдээллээ.

 

“Эрдэнэс Монгол” ХХК Хөгжлийн банкны 117.2 тэрбум төгрөгийн зээлээ төллөө
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188