БШУЯ  дээд боловсролын салбарт авч хэрэгжүүлж байгаа зарим ажил, 21 дээд боловсролын байгууллагын тусгай зөвшөөрлийг цуцалсан талаар мэдээлэл хийлээ. Энэ үеэр Боловсрол соёл шинжлэх ухааны яамны сайд Л.Энх-Амгалан мэдээлэл өглөө.  

    Тэрбээр “Өнгөрсөн 1.4 жилийн хугацаанд дээд боловсролтой холбоотой хоёр тогтоол гарсан.Өнөөдрийн байдлаар 147000 оюутан 88 их дээд сургуульд суралцаж байгаа.Үүнээс 14 их дээд сургууль 108000 оюутан нь суралцаж байна. Цаашдаа бид шаардлага хангасан их дээд сургууль сургах талаар ярьж байгаа. Их дээд сургуулийн сул тал нь хөдөлмөрийн зах зээлтэй уялдуулж сургалтаа явуулдаггүй. Хүүхэд дөрвөн жилийн хугацаанд 12-15 сая төгрөгийн зардал гаргадаг. Энэ нь ихэвчлэн зээлд ордог. Өнөөдрийн байдлаар байгаа 88 их сургуулиас 34 их сургууль 46 дээд сургууль 8 коллеж байгаа. Засгийн  газрын тогтоолоор 21 их, дээд сургуулийн сургалтын үйл ажиллагааг зогсоож байгаа. Зургаан сарын хугацаанд үүрэг өгч байгаа энэ хугацаанд шаардлага хангахгүй бол дахин үйл ажиллагаа явуулах боломжгүй болно.Нэг сургууль 40 хүрэхгүй оюутантай B1ангид хичээл явуулж болохгүй. Энд суралцаж байгаа хүүхдийн эрх ашиг зөрчигдөхгүй нийт 1567 оюутан илүү сайн газар сурна. Намайг их сургуулийг бусад их сургуультай нэгтгэж байгаа. Одоогийн байдлаар 9000 гаруй оюутан орон нутагт суралцаж байгаа бөгөөд цаашид энэ тоог 21500 болгож тоог нэмэх бүрэн боломжтой. Оюутнууд нэгдүгээр курстээ орон нутагт, 2-3 дугаар  курсээс Улаанбаатарт сурах чиглэлээр зохион байгуулалт хийж ажиллана.Бид хөтөлбөрийн чанарын шалгалт хийгээд оюутангүй болсон 2564 хөтөлбөрийн 908 хөтөлбөрийн хүчингүй болгосон.
 Монгол Улсад өнгөрсөн таван жилд эрх зүй, бизнес, хүмүүнлэгийн мэргэжлийн чиглэлээр  55736 боловсон хүчин дээд боловсрол эзэмшсэн. Гэтэл хөдөлмөрийн зах зээл дээр 14 мянга инженер, техникийн мэргэжилтэн төгссөн нь эрэлтээс дэндүү бага тоо. Засгийн газрын Шинэ сэргэлтийн бодлогын хүрээнд манай улсын хөдөлмөрийн зах зээлд инженер техникийн 39 мянган ажилтан хэрэгтэй байна.Азийн хөгжлийн банкнаас Монгол Улсын оюутан бэлддэг тогтолцоо ажилгүйдэл, ядуурлын үндэс болж байна гэж дүгнэсэн. Энэ нь хөдөлмөрийн зах зээлийн эрэлтэд нийцээгүй боловсон хүчин бэлдсэнтэй холбоотой.  Их дээд сургуулиудыг эрэмбэлж зарлана. Сургалт судалгаа, үйлдвэрлэл гэсэн тогтолцоогоор их сургуулиуд хөгжих ёстой” гэв.