Холбоодын нэгдсэн улсын аварга шалгаруулах тэмцээний хүндийн өргөлтийн насанд хүрэгчдийн 2025 оны УАШТ үргэлжилж байна. Хүндийн өргөлтийн эрэгтэйчүүдийн 89 кг-ын жингийн медальтнууд тодорлоо. Энэ жинд есөн тамирчин өрсөлдсөнөөс ОУХМ Д.Доржнамжим нийлбэрээр 265 кг-ыг өргөж, итгэл төгс түрүүлэв. Түүний хувьд сүүлийн дөрвөн жил дараалан улсын аварга болж байна. 2022 оны улсын аварга, спортын мастер О.Буянтогтох мөнгөн медалийн эзэн болсон. Тэрбээр 2023 оны УАШТ-ээс хүрэл медаль хүртэж байв. “Уран шивээ” ХХК-ийн залуу тамирчин У.Мөнхбаяр УАШТ-ээс анхны медалиа хүртэж, спортын дэд мастерын болзол хангасан юм.

89 кг-ын жингийн дүн:

1.Д.Доржнамжим “Ган спорт төв”-ийн тамирчин. Тэрбээр огцом өргөлтөөр 115 кг, түлхэлттэй өргөлтөөр 150 кг, хоёр өргөлтийн нийлбэрээр 265 кг-ыг өргөж алтан медаль хүртэв.

2.О.Буянтогтох “Самбуу сан” клубийн тамирчин. Тэрбээр огцомоор 103 кг, түлхэлттэй өргөлтөөр 138 кг, хоёр өргөлийн нийлбэрээр 241 кг-ыг өргөж мөнгөн медаль.

3.У.Мөнхбаяр “Уран Шивээ” ХХК-ийн тамирчин. Тэрбээр огцомоор 103 кг, түлхэлттэй өргөлтөөр 137, нийлбэр дүнгээр 240 кг-ыг өргөж хүрэл медалийн эзэн боллоо.