• Өнөөдөр 2024-03-29

Х.НЯМБААТАР: Дарханы замын зургийг хийлгэсэн болон холбогдох бүх хүнийг хуулийн байгууллагад шалгуулна

2022-06-30,   316

      Ерөнхий сайдын өгсөн үүргийн дагуу Дарханы замын ажлын хөрөнгө оруулагч болон гүйцэтгэгч талуудын уулзалтад ХЗДХ-ийн сайд Х.Нямбаатар оролцжээ. Тэрбээр “2019 онд эхэлсэн Дархан-Улаанбаатар чиглэлийн 204 км автозамын ажлын зураг өнгөрсөн тавдугаар сард батлагдаж дууслаа. Азийн хөгжлийн банкийг ноён Шигэрү болон зөвлөх компанид харамсаж байна. Та бүхний ярьж байгаагаар  Дарханы замын ажилд хэн ч буруугүй болж таарч байна. “Гүйцэтгэгч компаниудад 10 хувийн санхүүжилт өгчихөөд бүтэн гүйцэтгэл нэхэхээр ажил явахгүй” байна гэдгийг зарим гүйцэтгэх компанийн удирдлагууд хэлж байна. Анил танай компанийг холбогдох байгууллагад өгч шалгуулна. Танай компанийн зөвлөх үйлчилгээ, хяналт муу учир Дарханы зам хамгийн их бухимдал төрүүлж байна. Анил та “Бид ямар ч гэм зэмгүй, ажлаа хийж байгаа” гэж тайлбарлаж байна лээ. Таны, танай зөвлөх байгууллагын үйлчилгээ үзүүлсэн төлбөрийг монголын татвар төлөгчид төлдөг. Тийм учраас монголын татвар төлөгчдийн төлөх цент нэг бүрийн төлөө бид хяналт тавих ёстой. Гэтэл зарим багцын ажил яагаад 12 хувийн гүйцэтгэлтэй бүтэн дөрвөн барилгын сезон үргэлжилдэг юм. Шигэрү танайхан хамгийн аймшигтай юм хийсэн шүү. Ялангуяа зөвлөх, зураг хийсэн хүмүүс. Нийт барилга, замын ажлынх нь 20 хүрэхгүй хувьд нь замын далангийн ажил хийгээд төсөвт өртгөөр нэг хүн метр3 шороог есөн мянган төгрөгөөр хийнэ гэдэг. Үүнээс болж бүх юм гацаж байгаа шүү. Би Дарханы замын зургийг хийлгэсэн, энэ зурганд хяналт тавьж байгаа, холбогдох ажил хийж буй бүх хүнийг хуулийн байгууллагуудад шалгуулна” гэлээ.


Х.НЯМБААТАР: Дарханы замын зургийг хийлгэсэн болон холбогдох бүх хүнийг хуулийн байгууллагад шалгуулна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2022-07-01 09:50:38
    Иргэн: ГАДААДЫН ИРГЭД МОНГОЛД АЖИЛЛАХ ГЭЖ ЗОВДОГ. АВИЛГА ХАХУУЛ ДАРАА НЬ ЦАГДАА ШҮҮХ ХАХУУЛ ХЭРЭГ . ХЭРЭГ БИШ БОЛНО.
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188