Засгийн газрын хуралдаанаар хэлэлцсэн асуудлын талаар Сангийн сайд Б:Жавхлан танилцуулж байна. Өнөөдрийн ээлжит хуралдаанаар 2022 оны төсвийн төслийг хэлэлцсэн.

Ирэх онд Засгийн газраас эдийн засгаа сэргээхэд анхаарч ажиллана гэдгээ мэдэгдлээ. Түүнчлэн цар тахлын үед хэрэгжүүлж буй зарим арга хэмжээг үргэлжлүүлэх талаар тэрбээр "Ирэх жилээс хөрөнгө оруулалтын ямар орон зай гарна. Үүнийг нь түгжрэлийг бууруулахад чиглүүлнэ. Хог, дулаан, цахилгааны үнийн хөнгөлөлтийг энэ оны арванхоёрдугаар сарын 31 хүртэл сунгасан. Энэ арга хэмжээ энэ оноор дуусгавар болно. Сайжруулсан түлшний үнийг дулааны улирал эхэлтэл хөнгөлнө. 

Харин халамжийн бодлого тэр дундаа хүүхдийн мөнгөний асуудал Хөдөлмөр, нийгмийн хамгааллын сайдын мэдэлд байдаг. Уг нь бид тавдугаар сард гаргасан төсвийн хүрээний мэдэгдэл дээрээ хүүхдийн мөнгийг 20 мянга буюу өмнөх хэмжээндээ хүргэнэ гэж батлуулаад байсан. Гэхдээ ковидын үед өрхийн орлогыг дэмжсэн хамгийн чухал эх үүсвэр байсан учир хугацааг нь сунгасан. Цаашид хүүхдийн мөнгөн дээр хэд хэдэн хувилбар ярьж байгаа. Жишээлбэл, ирээдүйн өв санг хүүхдийн мөнгөтэй уялдуулах, өв сангаар дамжуулж мөнгөн хуримтлал бий болгох зэрэг асуудлыг санал болгохоор төлөвлөөд байна.

2022 онд шууд 20 мянган төгрөгт шилжүүлбэл шок үүснэ. Тиймээс аажмаар шилжилт хийх хувилбарыг судалж байна" гэв.