• Өнөөдөр 2025-04-28

Яруу найрагч Ц.Дэлгэрмаа "Шагундалагийн ертөнц" туужийн ном гаргажээ

2025-04-28,   124

      Яруу найрагч Ц.Дэлгэрмаа "Шагундалагийн ертөнц" хүүрнэл зохиолын номоо гаргажээ.

       Тэрбээр энэ тухай "Хэдэн жилийн өмнөөс хайрын сэдэвтэй тууж бичнэ гэж цээжиндээ бодсоор явтал зохиолын минь дүрүүд нэг л мэдэхнээ дотроос амилан ярьж, харилцаж, салж хагацаж, гомдож шаналж, хайрлаж, ухаарч, эцэст нь надад тэр бүхнийг чигийг нь олоод бичих л ажил үлдсэн билээ. Ингээд өнгөрсөн жилээс бичвэр дээрээ ажиллаж эхлэн ийм нэгэн роман бүтэв ээ. "Энэ бол хайр сэтгэлийн ч, хагацал салалтын ч тухай ном. Романы дүрүүд өөр өөрийн замаар хайрыг олж, хагацал шаналлаас эдгэрэх ажээ. Хэрэв бурхны ч юм уу бидний танин үл мэдэх эрхшээгч хүчний зүгээс хүмүүний дунд хэрэгжүүлэх ёстой туршиц төсөл бий гэвээс хамгаас гайхамшигтай нь хайрын төсөл ажээ" хэмээгээд Шагундалагийн ертөнцөд та бүхнийг урья" гэжээ.

     Түүний хувьд өмнө нь "А тэмдэглэл", "Дотоод тэнгис", "Зүрхэнд агч намур", "Нүд чинь миний тэнгэр" зэрэг шүлгийн түүвэр болон “Баавгай нэртэй шувуу, Бархас охин хоёрын түүх” хүүхдийн бэсрэг тууж хэвлүүлсэн билээ. Уншигч та түүний "Ц.ДЭЛГЭРМАА: ЯРУУ НАЙРАГ МИНИЙ ШАШИН, ХАМГИЙН ЭРХ ЧӨЛӨӨТЭЙ ШАШИН"  ярилцлагыг уншаарай.


Яруу найрагч Ц.Дэлгэрмаа "Шагундалагийн ертөнц" туужийн ном гаргажээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.