Афганистан Улсын Жалалабад хотод өнгөрсөн мягмар гарагт гурван эмэгтэй сэтгүүлч бусдын гарт амиа алдсан талаар тус улсын Засгийн газрын төлөөлөгч мэдээлэв. Албаны эх сурвалжийн мэдээлж буйгаар орон нутгийн “Эникас” телевизийн ажлын байрнаасаа сэтгүүлчид гарах үеэр тэдэн рүү халдсан байна.

       Халдлагад өртсөн сэтгүүлчид 18-20 насны залуу сэтгүүлчид байсан аж. Афганистаны Засгийн газраас “Сүүлийн үед сэтгүүлчид халдлагад өртөх нь ихсэх болсон” талаар мэдээлэв.