Японы тэрбумтан Юсаку Маезава 2023 онд сар руу нисэх “DearMoon” нэртэй төлөвлөгөөгөө танилцууллаа. Тэрбээр “Тесла” компанийн Ерөнхийлөгч Элон Маскийн бүтээсэн “SpaceX” хөлөгт өөртэй хамт зорчих хөлгийн сайн дурын найман гишүүнийг хайж буйгаа мэдээллэв.

Юсаку Маезава сайн дурын гишүүдэд хоёр гол шаардлага тавих аж. Үүнд:

-Хүн төрөлхтөн болон нийгэмд нөлөө үзүүлж, сайн үйлс хийх зорилготой,

-Хөлгийг бусад гишүүдтэй ижил сонирхол, эрмэлзэлтэй байх ёстой гэсэн шаардлага тавих гэнэ. Мөн тэрбээр “Гишүүдийн шаардлагатай бүх зардлыг би төлөх учир сайн дурынхан зөвхөн надтай хамт нисэхэд л болно” хэмээсэн юм.