Их Британи болон Герман Улс коронавирусийн вакциныг Филиппин Улсад хандивлах гэрээнд гарын үсэг зурвал хариуд нь Филиппин Улсаас сувилагчдаа ажиллуулах санал өнгөрсөн мягмарт гарагт тавьсан талаар албаны эх сурвалж мэдээллээ. Филиппин Улс цар тахалтай холбоотойгоор гаднын оронд ажиллах эрүүл мэндийн байгууллагын ажилтныг нэг жилд 5000-аас хэтрүүлэхгүй байх журам гаргаж, хязгаарласан. Харин гаргасан саналд нь нааштай хариу өгвөл Их Британи болон Герман Улс руу хязгаарлалтыг үл хамаарч олон тооны сувилагч, эмнэлгийн ажилтан явуулах бөгөөд хариуд нь тухайн улсад ажиллаж, амьдарч буй филиппинчүүдийг вакцинжуулахыг санал болгосон аж.

     Дээрх саналын хариуд Герман Улс мэдэгдэл хийгээгүй бөгөөд Их Британийн Эрүүл мэндийн яамны хэвлэлийн төлөөлөгч “Манай улс Филиппинтэй вакцины гэрээ байгуулахаар төлөвлөөгүй. Илүүдэл вакцинаа олон улсын хэмжээнд хуваах болно” хэмээн мэдээлсэн байна.