АНУ-ын Флорида мужид эмзэг бүлгийн иргэдээ вакцинжуулах аян үргэлжилж буй. Вакцинжуулалтын үеэр бусдаас түрүүлж вакцинжуулалтад хамрагдахын тулд хөгшин хүний дүрд хувирагчид ихэссэн байна. Зөвхөн өчигдрийн хэмжээнд тус мужийн Оранж эрүүл мэндийн төвд хоёр эмэгтэй настай хүний дүрд хувирч вакцинжуулалтад хамрагдахыг завдсан аж.

        Оранж эрүүл мэндийн төвийн захирал Раул Пино “Хөгшин хүний дүрд хувирсан хоёр эмэгтэй вакцины хоёр дахь тунгаа тариулахаар ирсэн байсан. Тэгэхээр бид өмнө нь ч мөн хариуцлага алдаж, тухайн хоёр иргэнд эмзэг бүлгийнхэнтэй хамт эхний тунг тарьжээ. Бид энэхүү алдааг дахин давтахгүйн тулд шалгалтын ажиллагааг өндөржүүлнэ” хэмээсэн юм.