Япон Улс амиа хорлолтын нэгдсэн дүнг сар бүр нэгтгэн танилцуулдаг аж. Харин энэ удаад өнгөрсөн оны нийлбэр дүнг танилцуулахад сүүлийн 11 жилд байгаагүйгээр өссөн үзүүлэлт гарсан байна. Тус улсын эрэгтэйчүүдийн амиа хорлолтын хувь мэдэгдэхүйц хэмжээгээр буурсан боловч эсрэгээрээ эмэгтэйчүүдийнх 15 хувиар өссөн байна.

Өнгөрсөн оны арваннэгдүгээр сард эмэгтэйчүүдийн амиа хорлолтын дундаж хувь нь 2020 оныхтой харьцуулахад 70 хувиар өссөн байна. Япон Улсын 2008 оны зах зээлийн уналт, 1990-ээд оны эхэн үеийн нийгэмд эрэгтэйчүүд ихэвчлэн амиа хорлож байсан гэх судалгаа бий.

Харин “Ковид-19” цар тахлын үед эмэгтэйчүүд илүү амиа хорлож байгаа нь цар тахлын нийгэм, цаг үе эмэгтэйчүүдэд илүү хүндээр тусаж байна хэмээн үзэж, эмэгтэйчүүдийн сэтгэл зүйн асуудалд илүү их анхаарах цаг болсныг Японы амиа хорлолтын эсрэг “Бонд”  төслийг санаачлагч мэдээлжээ.