“Apple” компанийн Аюулгүй байдлын хэлтсийн дарга Томас Мойерыг хахууль өгсөн хэргээр буруутгасан байна. Тухайлбал, Томас Мойер галт зэвсгийн нууц лиценз авахын тулд 70 мянган ам.долларын үнэтэй iPad төхөөрөмж хахуульд өгсөн аж. Өнгөрсөн даваа гарагт Калифорнийн шүүхийн зүгээс түүнд хорих ял оноосон бөгөөд “Apple” компанийн зүгээс гаргасан тайлбар авах хүсэлтэд шүүх, цагдаагийнхан одоог хүртэл хариу өгөөгүй байгаа юм.

Тус мужийн хууль, тогтоомжид “Ямарваа нэгэн хувь хүн, байгууллага лицензгүйгээр галт зэвсэг эзэмшиж болохгүй” хэмээн заасан байдаг. “Apple” компани Аюулгүй байдлын хэлтсийн ажилтнуудаа нууцаар зэвсэглүүлж байгаа талаар зарим эх сурвалж мэдээлсэн бөгөөд уг сэжүүрийг цагдаагийн ажилтнууд үргэлжлүүлэн шалгаж байгаа юм.