Биткойны үнийн өсөлттэй холбогдуулан хөрөнгө оруулалт, менежментийн "BlackRock" компанийн удирдлагаас “Криптовалют алтыг орлож чадна” хэмээсэн юм. Найман их наяд ам.долларын томоохон хөрөнгө эзэмшдэг тус компанийн энэ жилийн хөрөнгө оруулалтын ихэнх дүнг биткойнд зарцуулсан хөрөнгө эзэлж байна. 11 хоногийн өмнө 28 мянган ам.долларт хүрсэн биткойныг удахгүй 30 мянган ам.долларыг давж, үнийн өсөлт нь цааш зогсохгүй үргэлжлэх боломжтой байгаа талаар эдийн засаг судлаач, шинжээчид онцолж байна.

       “Ковид-19” цар тахлын үед дэлхийн олон орны хөрөнгө оруулагчид биткойн болон бусад криптовалютад өндөр дүнгээр хөрөнгө оруулж, түүнийгээ хадгалж, өсгөхөөр ажиллаж байна. Харин биткойны тоо хязгаартай бөгөөд “Нийлүүлэлт нь хязгаартаа хүрэхэд биткойны үнэ өнөөгийнхөөсөө хэд дахин өндөрт хүрч болно” гэж хөрөнгө оруулагчид үзэж байгаа юм. Коронавирусийн цаг үед криптовалют, тэр дундаа биткойны үнэ бусад валютад сөргөөр нөлөөлж, үнийн харьцангуй байдлыг бий болгож байгаад зарим шинжээч шүүмжлэлтэй байгаа ажээ.