АНУ-ын Ерөнхийлөгч Жо Байден ирэх тавдугаар сарын 1-нээс Афганистан Улсаас цэргүүдээ татаж авах үйл ажиллагааны төлөвлөгөөгөө зарлажээ.

Одоогийн байдлаар Афганистан Улсад АНУ-ын 2500 орчим зэрэг байрлаж байгаа бөгөөд бүх цэргүүд энэ оны есдүгээр сарын 11 гэхэд Афганистанаас гарах юм.

Ирэх есдүгээр сарын 11-нд Афганистаны Аль-Кайда бүлэгнэл АНУ-ын Нью-Йорк хотод үйлдсэн халдлагын 20 жил болох аж.

Афганистаны дайнд АНУ-ын 2448 цэргийн эрсдэж, хоёр их наяд ам.долларыг зарцуулсан. Энэ талаар АНУ-ын төрийн тэргүүн Жо Байден “Бид анхнаасаа л урт, удаан хугацаа дайн, тулааныг хүсээгүй. Тэд эхэлж бидэн рүү халдсан. Дараа нь бид тодорхой нэгэн зорилготойгоор энэ дайныг эхлүүлсэн. Тэрхүү зорилгыг биелсэн гэж үзэж байна” гэв. Жо Байдены үзэж буйгаар 2011 онд Аль-Кайда бүлэглэлийн тэргүүн Осама Бин Ладены амийг хөнөөж, бүлэглэлийнх нь хүчийг сулруулсан нь гол ялалт гэнэ.

Харин өмнө нь АНУ-ын Ерөнхийлөгч асан Дональд Трамп бүрэн эрхийнхээ хугацааг дуусахаас өмнө Афганистанаас цэргээ татах зорилт тавиад байсан ч биелүүлээгүй юм.

Эх сурвалж: BBC