АНУ-ын Ерөнхийлөгчийн тангараг өргөх ёслол урьд өмнөх жилүүдээс илүү хамгийн их сур дуулиантай болж өнгөрлөө. Холбооны мөрдөх товчооны мэдээлснээр тус ёслолтой зэрэгцэн АНУ-ын 50 хотод зэвсэгт жагсаал өрнөж болзошгүй тул орон даяар аюулгүй байдлыг өндөр хэмжээнд ханган ажиллажээ. Харин тус улсын нийслэл Вашингтон хотод хэсэгчлэн хөл хорио тогтоож, Үндэсний гвардын 20 мянга гаруй цэрэг Капитолыг хамгаалалтдаа авсан юм.

       АНУ-ын 46 дахь Ерөнхийлөгчийн тангараг өргөх ёслол хүндэтгэлийн буудлагаар эхэлж, төрийн тэргүүний суудлаас бууж буй Дональд Трамп үг хэлэв. Америкийн 45 дахь Ерөнхийлөгч Дональд Трамп “Америкийн ирээдүй илүү сайхан болно гэж бодохгүй байна. Шинэ төрийн тэргүүнд амжилт хүсье. Сайхан амьдраарай. Бид чамайг харж байх болно” хэмээн хэлж, шинэ ерөнхийлөгчийн тангараг өргөх ёслолыг албан ёсоор эхлүүлж, гэргий Мелания Трампын хамт цэргийн нисэх хүчний хамгаалалтын онгоцонд сууж, Флорида мужид байрлах Эндрюгийн цэргийн нэгдсэн баазыг зорив.Дональд Трампыг цэргийн бааз руу ниссэний дараа АНУ-ын шинэ төрийн тэргүүн Жо Байден гэргийн хамт сүмийн машинаар хүргүүлэн иржээ. Шинэ Ерөнхийлөгчид баяр хүргэхээр тус улсын Ерөнхийлөгч асан Билл Клинтон, Жорж Буш, Барак Обама нар хүрэлцэн ирсэн аж.

Улмаар АНУ-ын хамгийн анхны өнгөт арьст, Ази-Америк, эмэгтэй дэд ерөнхийлөгч Камара Харрис “Америкийн үндсэн хуулийг хамгаалах тангараг”-аа өргөж, үзэгчдийн суудалд шилжив.

Харин энэ өдрийн хамгийн хүндтэй хүн буюу нэгдсэн улсын шинэ төрийн тэргүүний суудалд албан ёсоор сууж буй Жо Байден “Бидэн рүү сэмхэн гэтэж буй энэ аюултай вирус ганцхан жилийн дотор дэлхийн II дайнд амь үрэгдсэн америкчуудаас илүү олон хүний амийг авч одлоо. Сая сая ажлын байр орхигдож, хэдэн зуун мянган хувийн бизнес зогсоход хүрлээ.

Улс орон даяар арьс өнгөөр ялгаварлах үзлийн эсрэг дуслуулсан нулимс дөрвөн мянга гаруй жил биднийг тасралтгүй дагаж байна. Нэгдсэн Улс хэмээгддэг манай орны эрх чөлөөт байдал тийм ч удаан үргэлжилж чадаагүй хэрэг. Бид нэгнийгээ таньдаггүй байсан ч өөрийн хөрш шигээ хандаж, харьцах хэрэгтэй. Нэгнээ нэр төртэйгөөр хүндэлж, итгэж байх хэрэгтэй. Эв нэгдэлгүйгээр ямар ч энх тайван үүсэхгүй. Зөвхөн уур хилэнд автаж өдийг хүрлээ. Эмх замбараагүйгээр ямар ч үндэстэн оршин тогтнож чадахгүй. Бид холбоотнуудаа дахин нэгтгэн нийлүүлж, дэлхий нийтийг цуглуулах болно.

Бид өнгөрсөн жилүүдийн хүнд, хэцүү шалгуурыг хэдий нь давсан. Одоо үүнээсээ дээш ахихгүй юм гэж үү. Бид бүгд энэ цаг үеийг хэрхэн давж, туулж буйгаараа шүүгдэх болно. Би та бүхнийг бүхий л чадлаараа хичээж, ажиллаж байгаа гэдэгт итгэж байна. Бид хэзээ АНУ-ын түүх гээч зохиолын дараагийн бөгөөд хамгийн сайн, сайхан бүлгийг бичих вэ. Бурхан бид бүхнийг хамгаалах болно” гэв.

АНУ-ын нийслэл Вашингтон хотын Капитолд зохион байгуулсан уг үйл ажиллагааг үндэсний гвардын 20 мянга гаруй цэрэг хамгаалсан нь түүхэнд урьд өмнө нь байгаагүй хамгийн сүр дуулиантай тангараг өргөх ёслол болов. Тангараг өргөх ёслолын хүрээнд дуучин Лэди Гага, Женнифер Лопез, Гарт Брукс нар уран бүтээлээ толилуулж, бусад алдартай уран бүтээлч виртуал сүлжээг ашиглан Америк орон даяар үндэсний парад зохион байгуулсан юм.